Бахшида ба Рӯзи Қувваҳои Мусаллаҳи Тоҷикистон дар Душанбе ҳамоиши бошукуҳи идона доир гардид
ДУШАНБЕ, 19.02.2025. /АМИТ «Ховар»/. Бахшида ба Рӯзи Қувваҳои Мусаллаҳи Ҷумҳурии Тоҷикистон бо ташаббуси Раёсати тандурустии Мақомоти иҷроияи ҳокимияти давлатии шаҳри Душанбе дар Донишгоҳи давлатии тиббии Тоҷикистон ба номи Абӯалӣ ибни Сино ҳамоиши бошукуҳи идона доир гардид. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.
Иброз гардид, ки воқеан ҳам Қувваҳои Мусаллаҳи мамлакат дар давраи ниҳоят ҳассос арзи вуҷуд намуда, дар муддати начандон дароз аз санҷишҳои ҷиддӣ гузашта, такомул ва обутоб ёфт. Ҳоло Қувваҳои Мусаллаҳи Ҷумҳурии Тоҷикистон ҳамчун неруи тавоно ва муҷаҳҳаз амнияти давлат ва осоиши онро таъмин менамояд.
Тавре Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳо ба ифтихори Рӯзи таъсиси Қувваҳои Мусаллаҳи Ҷумҳурии Тоҷикистон иброз дошта буданд: «Мо Қувваҳои Мусаллаҳи Тоҷикистонро дар шароити ниҳоят вазнину ҳассоси иқтисодӣ ва ҳарбию сиёсии мамлакат, яъне дар рӯзҳое, ки давлатро ҷангу хунрезӣ, беқонунию беҳокимиятӣ ва буҳрони шадиди иқтисодӣ фаро гирифта буд ва ҳамаи сохтору мақомоти давлатӣ фалаҷ гардида, хатари аз байн рафтани давлати ҷавони Тоҷикистон ва пароканда гардидани миллати тоҷик воқеан ба миён омада буд, таъсис додем».
Аз саҳифаҳои таърих аён аст, ки 32 сол пеш маҳз бо талош ва ҷоннисориҳои фарзанди фарзонаи миллати тоҷик муҳтарам Эмомалӣ Раҳмон Қувваҳои Мусаллаҳи Ҷумҳурии Тоҷикистон дар вазъияти ниҳоят душвор ва тақдирсоз таъсис дода шуд.
Воқеан ҳам ҳимояи марзу буми мамлакат бар уҳдаи сарбозони далер ва шуҷои Ватан мебошад. Хушбахтона, фарзандони меҳандӯсти давлат ва сарбозони далери Қувваҳои Мусаллаҳи Ҷумҳурии Тоҷикистон ин масъулият ва вазифаро сарбаландона иҷро менамоянд. Ин нишонаи неруи бузург, тарбияи касбию маҳорати баланди афсарон ва аскарони Артиши миллӣ мебошад.
Зимни ҳамоиши тантанавӣ аз ҷониби Раёсати тандурустии шаҳри Душанбе ба афсарону сарбозони шуҷои Ватан китоб тақдим гардид.
АКС: Шуъбаи иттилоотии дастгоҳи Раиси шаҳри Душанбе
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
