Дар Душанбе ҳамоиши шаҳрии гирандагони Стипендияи Президенти Тоҷикистон баргузор гардид
ДУШАНБЕ, 15.02.2025. /АМИТ «Ховар»/. Дар Мактаби таҳсилоти миёнаи умумии назди Сарраёсати маорифи шаҳри Душанбе ҳамоиши шаҳрии гирандагони Стипендияи Президенти Тоҷикистон, Раиси шаҳри Душанбе, раисони ноҳияҳо ва ғолибони озмунҳои шаҳрию ҷумҳуриявӣ ва байналмилалӣ доир гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иброз дошт, ки бо пайравӣ аз сиёсати созанда ва бунёдкоронаи Пешвои миллат муҳтарам Эмомалӣ Раҳмон имрӯз насли наврасу ҷавон ба имконоти бузурги моддию маънавӣ дар пойтахти мамлакат шарафёб гардидаанд.
Таъкид шуд, ки иқдоми наҷиб ва ғамхоронаи Пешвои миллат нисбат ба насли наврасу ҷавон аз рӯзҳои нахустини соҳибистиқлолии мамлакат баръало эҳсос гардида, ба хотири руҳбаланд намудани наврасону ҷавонон ва бо мақсади таъмини таҳсилоти муносиби ҷавонон якчанд имтиёзҳо, аз ҷумла стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ, ки бо баҳои аъло таҳсил ва дар корҳои ҷамъиятӣ фаъолона иштирок менамоянд, таъсис дода шудааст.
Ҳамчунин аз ҷониби масъулин вобаста ба дастуру супоришҳои Раиси шаҳри Душанбе муҳтарам Рустами Эмомалӣ дар заминаи озмунҳои шаҳрию ҷумҳуриявӣ барои ҷалби бештари наврасону ҷавонон ба илмомӯзӣ ва рӯ овардани онҳо ба китобхонию рафтан ба китобхона таъкид карда шуд.
Дар идома ба гирандагони стипендияи Президенти Ҷумҳурии Тоҷикистон маблағи стипендия тақдим карда шуд. Дар анҷом бо иштироки наврасону ҷавонони пойтахт барномаи фарҳангӣ пешниҳоди иштирокчиён гардид.
Бояд гуфт, ки имрӯз дар шаҳри Душанбе 302 нафар наврасону ҷавонон гирандагони Стипендияи Президенти Тоҷикистон, 240 нафар гирандаи Стипендияи Раиси шаҳри Душанбе ва 170 нафар гирандагони стипендияҳои раисони ноҳияҳо мебошанд.
Дар пойтахти Ҷумҳурии Тоҷикистон- шаҳри Душанбе дар доираи дастгирию таваҷҷуҳи Раиси шаҳри Душанбе ба хотири дарёфти истеъдодҳои ҷавон озмунҳои гуногун доир шуда, ҳамасола ҷавонон аз имконоти гуногун бархурдор ва ҳавасманд гардонида мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
