Дар Душанбе «Стратегияи миллии оби Ҷумҳурии Тоҷикистон барои давраи то соли 2040» муаррифӣ шуд
ДУШАНБЕ, 06.02.2025 /АМИТ «Ховар»/. «Стратегияи миллии оби Ҷумҳурии Тоҷикистон барои давраи то соли 2040», аз ҷумла Нақшаи амали он барои солҳои 2025-2027 дар ҷаласаи муштараки Гурӯҳи корӣ оид ба идоракунии ҳамгироёнаи захираҳои об ва Гурӯҳи кории ҳамоҳангсоз оид ба татбиқи Барномаи ислоҳоти соҳаи оби Ҷумҳурии Тоҷикистон муаррифӣ гардид. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Дар ҷаласаи муштараки Гурӯҳи корӣ оид ба идоракунии ҳамгироёнаи захираҳои об ва Гурӯҳи кории ҳамоҳангсоз оид ба татбиқи Барномаи ислоҳоти соҳаи оби Ҷумҳурии Тоҷикистон самтҳои калидии рушди соҳаи об, сармоягузориҳои нақшавӣ, лоиҳаҳо ва ташаббусҳои нави шарикони байналмилалӣ, ки ба татбиқи самараноки ҳадафҳои стратегии соҳа равона шудаанд, муҳокима гардиданд.
Гуфта шуд, ки «Стратегияи миллии оби Ҷумҳурии Тоҷикистон барои давраи то соли 2040» санади муҳиме аст, ки принсипҳои сиёсати давлатӣ дар соҳаи идоракунӣ ва ҳифзи захираҳои обро муайян намуда, самтҳои стратегии идоракунии устувор ва ҳамгироёнаи захираҳои обро бо назардошти тағйирёбии иқлим таъмин мекунад ва ба рушди дарозмуддати соҳа ва таъмини амнияти обӣ асос мегузорад.
Татбиқи стратегия ба ноил гардидан ба ҳадафҳои «Стратегияи миллии рушди Ҷумҳурии Тоҷикистон барои давраи то соли 2030», иҷрои уҳдадориҳои байналмилалии Тоҷикистон оид ба мутобиқшавӣ ба тағйирёбии иқлим дар соҳаи об ва расидан ба Ҳадафҳои рушди устувори Созмони Милали Муттаҳид нигаронида шудааст.
Иштирокдорони ҷаласа барои дастгирии татбиқи стратегия изҳори омодагӣ намуда, аҳамияти онро барои рушди устувори Ҷумҳурии Тоҷикистон таъкид карданд.
Ҷаласаи муштараки гурӯҳҳои корӣ барои ҳамоҳангсозии талошҳо дар самти навсозии соҳаи оби Тоҷикистон, муттаҳидсозии захираҳо ва таҳияи роҳҳои муассир барои идоракунии устувори захираҳои об дар шароити тағйирёбии ҷаҳонии иқлим платформаи муҳим арзёбӣ мегардад.
АКС: Вазорати энергетика ва захираҳои оби Ҷумҳурии Тоҷикистон
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
