Дар «Кохи афсарон» бахшида ба 32-солагии таъсиси Қувваҳои Мусаллаҳи Тоҷикистон ҳамоиш доир шуд
ДУШАНБЕ, 19.02.2025 /АМИТ «Ховар»/. Дар «Кохи афсарон»-и Вазорати мудофиаи Тоҷикистон ба муносибати 32-солагии таъсиси Қувваҳои Мусаллаҳи Ҷумҳурии Тоҷикистон чорабинии тантанавӣ баргузор шуд. Дар ин хусус АМИТ «Ховар» бо истинод ба Вазорати мудофиаи Тоҷикистон хабар медиҳад.
«Боиси ифтихору сарфарозӣ аст, ки дар даврони Истиқлолияти давлатӣ обрӯю эътибори Артиши миллӣ дар байни аҳолӣ, бахусус ҷавонон афзун гашта, мардуми мамлакат хизматҳои шабонарӯзии афсарону аскарони Қувваҳои Мусаллаҳи Тоҷикистонро қадр мекунанд ва аз муҳофизони Ватани хеш ифтихор менамоянд, ки ин албатта, шоёни таҳсин аст. Чунки низомиёни мамлакат ҳанӯз аз рӯзҳои аввали таъсиси Артиши миллӣ дар таҳким бахшидани сохти кониститутсионӣ дар мамлакат, ҳимояи ҳама дастоварду музаффарияти истиқлолият, пойдории сулҳу субот, таъмини ҳаёти осоиштаи мардуми Тоҷикистон ва баланд бардоштани иқтидори мудофиавии мамлакат саҳми арзанда гузоштаанд»,-гуфта шуд дар ҳамоиш.
Таъкид гардид, ки ҷавонон бояд бо азми дил барои пойдории сулҳу оромӣ ва истиқлолу озодӣ дар сафи Артиши миллӣ хизмат намоянд, зеро Қувваҳои Мусаллаҳи Ҷумҳурии Тоҷикистон дастоварди муҳими замони соҳибистиқлолии мамлакат буда, омили асосии нигаҳдории давлатдории миллӣ маҳсуб мешаванд.
Ба хотири хизмати содиқонаю софдилона ва ҳифзи арзишҳои миллию давлатӣ, ҳамзамон бахшида ба таъсиси Қувваҳои Мусаллаҳи Тоҷикистон роҳбарият ва бархе афсарону сарбозони Вазорати мудофиа бо медали «Шуҷоат ва ҷавонмардӣ» ва Сипосномаю туҳфаҳои Кумитаи кор бо ҷавонон ва варзиш қадрдонӣ шуданд.
Дар фарҷом аз ҷониби ҳунармандони вазорат чорабинии фарҳангӣ-фароғатӣ доир гардида, сурудҳои ҳарбӣ-ватандӯстӣ пешниҳоди иштирокчиён шуданд.
АКС: Вазорати мудофиаи Ҷумҳурии Тоҷикистон
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
