Дар ноҳияи Абдураҳмони Ҷомӣ доир ба шарҳи нуктаҳои асосии Паёми Президенти Тоҷикистон ба Маҷлиси Олӣ ҳамоиш баргузор шуд
ДУШАНБЕ, 11.02.2025. /АМИТ «Ховар»/. Дар ноҳияи Абдураҳмони Ҷомии вилояти Хатлон барои шарҳу тавзеҳ додани Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ҳамоиши сиёсӣ баргузор гардид. Дар ин хусус ба АМИТ «Ховар» аз шуъбаи таблиғот ва матбуоти Кумитаи иҷроияи Ҳизби Халқии Демократи Тоҷикистон дар вилояти Хатлон хабар доданд.
Иҷрокунандаи вазифаи Раиси ноҳияи Абдураҳмони Ҷомӣ Маҳмуд Амирзода вобаста ба нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, аз ҷумла расидан ба истиқлолияти энергетикӣ сухан гуфт.
Муовини якуми Раиси Ҳизби Халқии Демократии Тоҷикистон Маликшо Неъматзода иброз намуд, ки «Президенти Тоҷикистон, Пешвои миллат муҳтарам Эмомалӣ Раҳмон барои расидан ба ин рӯзҳои нек ва рушди мамлакати азизамон талошҳои зиёде анҷом дода, ба хотири сарҷамъии миллат, фароҳам овардани шароити мусоиди таълиму тадрис барои насли имрӯзу оянда ва расидан ба зиндагии шоистаи мардум тамоми тадбирҳои муҳимро амалӣ менамоянд».
Маликшо Неъматзода афзуд, ки ба наздикӣ дар саросари мамлакат чорабинии муҳими сиёсӣ- интихоботи вакилони Маҷлиси Олӣ ва Маҷлиси маҳаллии вакилони халқ-2025 баргузор мегардад. Мо, аъзои ҳизбро зарур аст, ки дар ин чорабинии муҳими сиёсӣ фаъолона иштирок намуда, онро бо сари баланд ҷамъбаст намоем.
Дар ҳамоиш ба як зумра фаъолон Сипосномаи Ҳизби Халқии Демократии Тоҷикистон, Ифтихорномаи Мақомоти иҷроияи ҳокимияти давлатии ноҳияи Абдураҳмони Ҷомӣ ва медали ҷашнии 30-солагии Ҳизби Халқии Демократии Тоҷикистон тақдим карда шуд.
Пас аз анҷоми ҳамоиш дар боғи марказии ноҳияи Абдураҳмонӣ Ҷомӣ таҳти унвони «Сарсабзии Ватан-мароми мост» ҳашари ниҳолшинонӣ баргузор гардида, дарахтони сояафкану ҳамешасабз шинонида шуданд. Гуфта шуд, ки ҳамасола шуруъ аз аввали моҳи январ дар ҷумҳурӣ маъракаи ниҳолшинонию сабзазоркунӣ оғоз гардида, мардуми сарбаланди тоҷик барои ба мамлакати сабз табдил додани ватани хеш бо ҳисси баланди ватандӯстию хештаншиносӣ дар ин амал саҳм мегузоранд.
АКС: Кумитаи иҷроияи Ҳизби Халқии Демократии Тоҷикистон дар вилояти Хатлон
«ПАЁМ-РОҲНАМОИ ФАРДОИ ДУРАХШОНИ МИЛЛАТ». Таҳти чунин унвон дар Донишгоҳи давлатии Бохтар ҳамоиш доир шуд
ПАЁМ-ҚУТБНАМОИ ОЯНДАИ ДУРАХШОН. Дар он самтҳои асосии сиёсати дохилию хориҷии Тоҷикистон ва нақшаҳои рушди устувор дарҷ шудаанд
САРМОЯИ ИНСОНӢ. Он омили муҳим барои ояндаи босуботи давлат ва фардои босаодати ҷомеа аст
Дар Бонки миллии Тоҷикистон нуктаҳои асосии Паёми Президенти Тоҷикистон ба Маҷлиси Олӣ тавзеҳ дода шуданд
БАРДОШТ АЗ ПАЁМ. Дар раванди тақвияти муносибатҳои иқтисодӣ истифодаи самараноки захираҳои Тоҷикистон нақши муассир дорад
«ЗАНОН-ДАР МЕҲВАРИ ПАЁМ». Дар шаҳри Бӯстон ҳамоиши занону ҷавондухтарон доир шуд
Дар «Литсей барои хонандагони болаёқат дар шаҳри Душанбе» Паёми Президенти Ҷумҳурии Тоҷикистон ба Маҷлиси Олӣ шарҳу тавзеҳ дода шуд
«ПАЁМ-РОҲНАМОИ ФАРДОИ ДУРАХШОНИ МИЛЛАТ». Таҳти ин унвон дар Донишгоҳи давлатии Бохтар ҳамоиши илмӣ доир шуд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
Дар Донишкадаи давлатии санъати тасвирӣ ва дизайни Тоҷикистон нуктаҳои асосии Паёми Президенти Тоҷикистон тавзеҳ дода шуданд
