Дар Тоҷикистон дар соҳаи саноати хӯрокворӣ 120 корхона бо 600 ҷойи кор ба фаъолият шуруъ намуд
ДУШАНБЕ, 12.02.2025 /АМИТ «Ховар»/. Соли 2024 дар доираи татбиқи яке аз чор ҳадафи стратегии ҷумҳурӣ- ба давлати индустриалӣ табдил додани Тоҷикистон дар соҳаи саноати хӯрокворӣ барои афзоиши иқтидори истеҳсолӣ ва ҳаҷми истеҳсоли маҳсулоти ғизоии саноатӣ 120 корхонаи саноатӣ бо 616 ҷойи кор ба истифода дода шуд.
Вазири саноат ва технологияҳои нави ҷумҳурӣ Шералӣ Кабир дар нишасти матбуотӣ ба намояндагони воситаҳои ахбори оммаи ватанӣ ва хориҷӣ иттилоъ дод, ки дар ин давра зиёда аз 12 корхонаи навбунёд, ба монанди корхонаи истеҳсоли гӯшти мурғи «Назар», коргоҳи истеҳсоли консерваи моҳии шаҳри Гулистон, корхонаи истеҳсоли равған дар заминаи корхонаи «Сирдарё», корхонаи истеҳсоли маҳсулоти нонию қаннодии «Нонпаз», корхонаи истеҳсоли равғани растании «ТОҶИК ГЛОБАЛ ИНВЕСТ», коргоҳи истеҳсоли гӯшти мурғ ва маҳсулоти ҳасибии «Сайҳун», корхонаи бандубасти меваи хушки «Неруи Канд», корхонаи истеҳсоли меваи хушки «Неъматҳои Рӯшон», корхонаи истеҳсоли равғани ангати «Гулчеҳра-80», корхонаи истеҳсоли маҳсулоти ширии «Панҷ», корхонаи истеҳсоли маҳсулоти қаннодии «Шоҳасар» ва корхонаи истеҳсоли нӯшокиҳои «АРК саноат» ба истифода дода шуданд.
Ин корхонаҳои нави саноатӣ асосан дар шаҳрҳои Душанбе, Хуҷанд, Хоруғ, Гулистон, Норак, Конибодом ва ноҳияҳои Бобоҷон Ғафуров, Рӯшон, Ишкошим ва Рӯдакӣ бунёд гардидаанд. Онҳо на танҳо ба рушди саноати хӯрокворӣ, балки таъсиси ҷойи нави кор, афзоиши истеҳсоли маҳсулоти воридотивазкунанда ва ба содирот нигаронида мусоидат менамоянд.
Марзия САИДЗОДА,
АМИТ «Ховар»
АКС: АМИТ «Ховар»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
