«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
ДУШАНБЕ, 19.02.2025. /АМИТ «Ховар»/. Дар ноҳияи Бобоҷон Ғафурови вилояти Суғд даври ноҳиявии Озмуни ҷумҳуриявии «Кадбонуи беҳтарин» баргузор гардида, ғолибон ба даври вилоятӣ роҳхат гирифтанд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Бобоҷон Ғафуров хабар доданд.
Соли равон озмун дар доираи татбиқи «Барномаи давлатии рушди оила дар Ҷумҳурии Тоҷикистон барои солҳои 2024-2028» бо мақсади баланд бардоштани мақоми зан дар ҷомеа, тарғибу ташвиқи бештари ҳунарҳои дастӣ, таомҳои миллию маҳаллӣ, эҳё ва ҳифзу нигоҳдошти расму суннатҳои миллии ниёгонамон ва ба ин васила баланд бардоштани завқи зебоипарастӣ дар байни занону духтарон баргузор гардид.
«Занону духтарони тоҷик посдорандаи анъанаҳои неки ниёгон ва кадбонуҳои моҳири замон мебошанд, ки ҳунари таомпазиро хуб доро буда, онро ба насли имрӯз ба мерос мемонанд»,-гуфта шуд зимни баргузории озмун.
Дар замони соҳибистиқлолӣ беҳтарин ва нодиртарин суннатҳои фарҳангӣ-миллии тоҷикон дар муносибат ба кадбонугӣ, дастархонороӣ ва маърифати оиладорӣ дубора эҳё гардиданд.
Ёдовар мешавем, ки Озмуни ҷумҳуриявии «Кадбонуи беҳтарин» ҳамасола дар асоси ҷадвали баргузории Фестивал, намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон бо мақсади ташвиқу тарғиби арзишҳои миллӣ, анъанаҳои неки ниёгон, эҳёи таомҳои миллию маҳаллии азбайнрафта ва ривоҷ додани санъати пухтани таомҳои миллӣ гузаронида мешавад.
АКС: Мақомоти иҷроияи ҳокимияти давлатии ноҳияи Бобоҷон Ғафуров
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
