Кишоварзони фаъоли ноҳияи Зафаробод дар иди Сада кадрдонӣ гардиданд
ДУШАНБЕ, 01.02.2025 /АМИТ «Ховар»/. Дар маркази ноҳияи Зафаробод — шаҳраки Зафаробод иди Сада бо иштироки роҳбарияти ноҳия ва сокинон ҷашн гирифта шуд. Дар идомаи ҷашн ба як зумра фаъолон ва кишоварзон Сипоснома ва туҳфаҳо тақдим карда шуд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Зафаробод хабар медиҳад, дар идгоҳ аз ҷониби сокинони ноҳия, кишоварзон, занони ҳунарманд, устодону шогирдони муссисаҳои таълимӣ, сокинони ҷамоатҳои шаҳраку деҳот намоиши техникаи кишоварзӣ, намоиш-фурӯши ниҳол, маҳсулоти донагӣ, тухмиҳо ва таомҳои миллӣ пешниҳод гардид. Меҳмонон ва сокинони ноҳия ин намоишгоҳро тамошо намуда, ба маҳсули дасти ҳунармандон баҳои баланд доданд.
Иброз гардид, ки Сада 50 рӯз пеш аз фарорасии Наврӯз, яъне рӯзи 10 баҳманмоҳ ҷашн гирифта мешуд. Имрӯзҳо бо ташаббуси Президенти Тоҷикистон муҳтарам Эмомалӣ Раҳмон ҷашни Сада баробари дигар маросиму суннатҳои аҷдодии мо умри дубора пайдо карда, ҳамасола ҳамчун иди миллӣ таҷлил мешавад.
Сада моҳиятан пирӯзии рӯшноӣ бар торикиро ифода намуда, бо тантанаи оташафрӯзӣ омадани фасли баҳору муждаи пешакии Наврӯзро мерасонад.
Барномаи рангини ҳунармандони бахши фарҳанги ноҳия ба тантанаҳо ҳусни тоза бахшид.
АКС: Мақомомти иҷроияи ҳокимияти давлатии ноҳияи Зафаробод
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
