НИШАСТИ МАТБУОТӢ. Дар Тоҷикистон беш аз 4 ҳазор зан ҳамчун хизматчии давлатӣ фаъолият мекунад
ДУШАНБЕ, 10.02.2025 /АМИТ «Ховар»/. Иштироки фаъоли занону духтарон дар ҳаёти сиёсӣ, иҷтимоӣ, иқтисодӣ ва фарҳангии мамлакат бо таваҷҷуҳ ва дастгириҳои пайвастаи давлату Ҳукумати мамлакат таъмин гардида, ба ҳолати 1 январи соли 2025 аз шумораи умумии 18 ҳазору 801 нафар хизматчиёни давлатии амалкунанда, 4 ҳазору 849 (25,8 %) нафарро занон ташкил медиҳанд. Дар вазифаҳои роҳбарикунанда аз шумораи умумии 5 ҳазору 955 нафар 1 ҳазору 146 (19,2 %) нафар занон фаъолият доранд. Дар ин хусус имрӯз, 10 феврал зимни нишасти матбуотӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ба хабарнигорон иттилоъ дод.
«Кумита дар доираи татбиқи «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023–2030» барои баланд бардоштани савияи дониш, маҳорату малакаи мудирият ва таҳлилгарии хизматчиёни давлатӣ, дониши ҳуқуқию сиёсии занону духтарон соли 2024 дар 13 вазорату идораи давлатӣ даврҳои омӯзишӣ баргузор намуд»,-иброз дошт раиси кумита.
Инчунин барои занон-хизматчиёни давлатӣ аз ҷониби Кумитаи кор бо занон ва оила омӯзонидани на кам аз 2 забони хориҷӣ, маҳорати суханварӣ, технологияҳои иттилоотӣ ва коргузорӣ дар идораи давлатӣ, барои кормандони дастгоҳи марказии Кумита ва занону духтарони вазорату идораҳо даври омӯзишии ройгон, барои занону духтарони мақомоти иҷроияи ҳокимияти давлатии шаҳру ноҳияҳои тобеи ҷумҳурӣ даври омӯзишии «Малакаи роҳбарӣ, «Мактаби сарварӣ», барои намояндагони муассисаҳои таҳсилоти миёнаи умумии ибтидоӣ, миёнаи касбӣ ва олии ҷумҳурӣ маҳфили доимамалкунандаи «Зан-роҳбар» ва барои донишҷӯдухтарони фаъолу аълохон ва лаёқатманди донишгоҳу донишкадаҳои олии мамлакат даври омӯзишии «Мактаби сарварони ҷавон» гузаронида шуд.
Чорабиниҳои баргузорнамуда бо мақсади амалӣ намудани ҳадафҳои «Стратегияи миллии рушд дар Ҷумҳурии Тоҷикистон» — барои то соли 2030 аз ҳисоби занон ва духтарони болаёқат ба 30 фоиз расонидани шумораи хизматчиёни давлатӣ ва ба 25 фоиз расонидани кадрҳои роҳбарикунанда доир шуданд.
Моҳинави НАВРӮЗ,
АМИТ «Ховар»
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
