Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
ДУШАНБЕ, 07.02.2025 /АМИТ «Ховар»/. Имрӯз дар ноҳияи Фирдавсии шаҳри Душанбе таҳти унвони «Сиёсати рӯ овардан ба ҷавонон-ҳадафи барномавии ҲХДТ» ҳамоиши ҷавонон баргузор гардид. Дар ҳамоиш 200 нафар ятимон ва донишҷӯён аз оилаҳои ниёзманд бо корти нақлиётӣ таъмин ва ғолибони озмунҳои даври ноҳиявию шаҳрӣ ва ҷумҳуриявӣ бо туҳфаҳои хотиравӣ қадрдонӣ шуданд. Дар ин хусус ба АМИТ «Ховар» аз Кумитаи иҷроияи Ҳизби Халқи Демократии Тоҷикистон дар ноҳияи Фирдавсии шаҳри Душанбе хабар доданд.
— Боиси ифтихору сарфарозӣ аст, ки дар доираи сиёсати ҷавонпарваронаи Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ва дастгирию роҳнамоии ҳамешагии Раиси шаҳри Душанбе муҳтарам Рустами Эмомалӣ барои таҳсил, фаъолият ва ҳунаромӯзии ҷавонон шароиту имконият фароҳам оварда шудааст, — изҳор гардид дар ҳамоиш.
Таъкид шуд, ки масъалаи ҷавонон ва дастгирии ҳамаҷонибаи онҳо дар Ҷумҳурии Тоҷикистон дар маркази фаъолияти Ҳизби Халқии Демократии Тоҷикистон қарор дорад.
Иштирокдорони ҳамоиш баён намуданд, ки нақш ва ҷойгоҳи ҷавонон дар таҳкими арзишҳои миллӣ, суннатҳои неки ниёгон, арҷгузорӣ ба таъриху тамаддун ва фарҳанги волои миллат ва эҳтиром ба муқаддасоти миллии Ватан назаррас мебошад. Фаъолияти назарраси ҷавонон дар тамоми соҳаҳои муҳими сиёсӣ, иҷтимоӣ, фарҳангӣ, иқтисодӣ ва дигар самтҳо ба мушоҳида мерасад.
Дар охир ба як зумра ҷавононе, ки ба сафи Ҳизби Халқи Демократии Тоҷикистон аъзо шуданд, шаҳодатномаҳо супорида шуданд.
АКС: Кумитаи иҷроияи Ҳизби Халқи Демократии Тоҷикистон дар ноҳияи Фирдавсӣ
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
