35-СОЛАГИИ ИСТИҚЛОЛИ ДАВЛАТӢ. Дар Кӯлоб бинои нави таълимӣ бунёд карда мешавад
ДУШАНБЕ, 12.03.2025. /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳри Кӯлоби вилояти Хатлон сохтмони бинои нави таълимии Мактаб-интернати ёрирасони №1 барои хонандагони ятими кулл ва бепарастор идома дорад. Дар ин хусус ба АМИТ «Ховар» аз Академияи миллии илмҳои Тоҷикистон иттилоъ доданд.
Бино дар доираи татбиқи сиёсати ятимпарваронаи Президенти Ҷумҳурии Тоҷикистон муҳтарам Эмомалӣ Раҳмон бо ибтикори академики Академияи миллии илмҳои Тоҷикистон Улмас Мирсаидов ва дастгирии молиявии соҳибкорони ватанӣ амалӣ гардида, тибқи нақша, дар оғози соли 2026 мавриди истифода қарор дода мешавад.
Бинои нави таълимии Мактаб-интернати ёрирасони №1-и шаҳри Кӯлоб аз се ошёна иборат буда, барои 102 хонанда, ки бо амри тақдир ятим ва бепарастор мондаанд, бунёд мегардад. Тамоми синфхонаҳои таълимӣ ва дигар ҳуҷраҳои ёрирасони ин муассисаи таълимӣ бо таҷҳизоти зарурӣ ва аёнияти хониш таъмин карда мешаванд.
Тибқи иттилои Мақомоти иҷроияи ҳокимияти давлатии шаҳри Кӯлоб, бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳр таъмиру бунёди 494 иншоот ба нақша гирифта шудааст. Аз шумораи иншооти нақшавӣ то аввали соли равон 206 иншоот мавриди истифода қарор гирифт, ки 41,7 фоизи нақшаро ташкил медиҳад. Дар айни замон дар 165 иншоот корҳои сохтмонӣ идома доранд.
АКС: Академияи миллии илмҳои Тоҷикистон
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
Пешвои миллат Эмомалӣ Раҳмон дар ноҳияи Файзобод якчанд иншооти соҳаи маорифро фосилавӣ ба истифода доданд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони Неругоҳи барқи обии «Роғун»
Пешвои миллат Эмомалӣ Раҳмон дар шаҳри Роғун бо бунёдгарони Неругоҳи «Роғун» мулоқот намуданд
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
