Ҳамкории Донишгоҳи техникии Тоҷикистон бо Донишгоҳи давлатии техникии Бухоро тақвият меёбад

ДУШАНБЕ, 16.03.2025 /АМИТ «Ховар»/. Ҳайати гурӯҳи кории Донишгоҳи давлатии техникии Бухоро бо фаъолияти Донишгоҳи техникии Тоҷикистон ба номи академик Муҳаммад Осимӣ шинос гардид.

Тавре ба АМИТ «Ховар» аз Донишгоҳи техникии Тоҷикистон хабар доданд, меҳмонон бо иқтидори илмию таълимии озмоишгоҳҳои кафедраҳои бехатарии фаъолияти инсон ва экология, технология ва таҷҳизоти саноати нассоҷӣ ва неругоҳҳои электрикӣ бо имконоти мавҷуда ва татбиқи иқтидори илмии донишгоҳ шинос шуданд.

Зимни мулоқот ҷонибҳо масъалаҳои робитаҳои муассисаҳои таълимиро дар самтҳои мухталиф қобили мақсад шуморида, барои идомаи таҳсили донишҷӯён тибқи барномаҳои таълимии муштарак ва баргузор намудани машғулияти бозомӯзии касбӣ барои омӯзгорону донишҷӯён ба мувофиқа расиданд.

АКС: Донишгоҳи техникии Тоҷикистон ба номи академик Муҳаммад Осимӣ