«АЗ НАВРӮЗ ТО НАВРӮЗ». Намоиши асарҳои эҷодӣ ифтитоҳ шуд
ДУШАНБЕ, 20.03.2025 /АМИТ «Ховар»/. 18 март дар Донишкадаи давлатии санъати тасвирӣ ва дизайни Тоҷикистон ҷашни байналмилалии Наврӯз бо шукуҳу шаҳомати хосса таҷлил гардид. Тавре ба АМИТ «Ховар» аз ин донишкада хабар доданд, қабл аз оғози тантанаҳои идона намоиши асарҳои эҷодии омӯзгорону донишҷӯён таҳти унвони «Аз Наврӯз то Наврӯз» ифтитоҳ гардид.
Дар ифтитоҳи намоишгоҳ рассомони шинохтаи ҷумҳурӣ, намояндагони сафоратхонаҳо ва корпусҳои дипломатии муқими шаҳри Душанбе, меҳмонон аз Чин, Ҳиндустон, Покистон, Туркия, Корея, Русия ва Эрон иштирок намуданд.
Ректори донишкада Сироҷиддин Ҷурахонзода иброз дошт, ки ҷашни байналмилалӣ эълон гардидани Наврӯзи фархундапай барои боз ҳам амиқу дақиқ, возеҳу равшан тасвир ва ба таври васею доманадор бо шукуҳу шаҳомати хосса таҷлил гардидани он шароити мусоид муҳайё намуд. Маҳз ташаббусу талошҳои саривақтии Президенти Тоҷикистон буд, ки Наврӯз ба ҳайси мероси ғайримоддии умумиҷаҳонӣ пазируфта шуда, имрӯз ҳамчун ҷашни ҷаҳонӣ таҷлил мегардад.
Дар Донишкадаи давлатии санъати тасвирӣ ва дизайн низ ин ҷашни миллӣ бо намоиши корҳои эҷодии рассомии омӯзгорону донишҷӯён таҳти унвони рамзии «Аз Наврӯз то Наврӯз» истиқбол гирифта мешавад, ки нишонаи арҷгузории аҳли санъат ба ин ҷашни миллӣ мебошад.
Наврӯз пайвандгари дилҳо ва шаҳодатномаи таъриху тамаддуни миллати тоҷик аст. Дар доираи ин чорабинии фарҳангӣ баргузор намудани намоиши эҷодӣ боиси ифтихор аст, чунки дар васфи Наврӯзи хуҷастапай, ки таърихи беш аз шашҳазорсола дорад, рассомону эҷодкорон пайваста таваҷҷуҳ менамоянду Наврӯзу баҳор яке аз мавзуъҳои марказии рассомону эҷодкорон аст.
Меҳмонони чорабинӣ бо намоиши дастовардҳо ва ҳунарҳои мардумии донишҷӯёни факултаҳо шинос шуда, ба маҳорату истеъдоди онҳо баҳои баланд доданд. Ба як зумра омӯзгорону донишҷӯёни муассиса «Ифтихорнома» ва «Сипоснома»-и донишкада ва Иттифоқи касабаи кормандони маориф ва илм тақдим гардид.
АКС: Донишкадаи давлатии санъати тасвирӣ ва дизайни Тоҷикистон
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
