Барои кормандзанони мақомоти корҳои дохилӣ барномаи идонаи бошукуҳ доир гардид
ДУШАНБЕ, 08.03.2025. /АМИТ «Ховар»/. 6 март бо ибтикори Вазорати корҳои дохилии Ҷумҳурии Тоҷикистон ба ифтихори Рӯзи Модар дар Театри давлатии академии опера ва балети ба номи Садриддин Айнӣ барои кормандзанони мақомоти корҳои дохилӣ ҳамоиши идонаи бошукуҳ доир гардид.
АМИТ «Ховар» бо истинод ба ин вазорат хабар медиҳад, ки зимни ҳамоиш Вазири корҳои дохилӣ Рамазон Раҳимзода иброз намуд, ки занони мақомоти корҳои дохилӣ бо дарки масъулият ва ҳисси миллатдӯстию ватанпарастӣ дар қатори мардон вазифаҳои худро сарбаландона иҷро менамоянд.
Бо шарофати дастгирию ғамхорӣ ва иқдому ташаббусҳои созандаи Президенти Ҷумҳурии Тоҷикистон муҳтарам Эмомалӣ Раҳмон мавқеи занон дар Тоҷикистони соҳибистиқлол сол то сол боло рафта, онҳо чун аъзои фаъоли ҷомеа дар пешрафти зиндагии оилавӣ ва ҳаёти сиёсию иҷтимоӣ нақши назаррас мегузоранд.
«Воқеан, имрӯз занону модарон дар ҳаёт ва рӯзгори мо тарбиятгар, ғамхору мададгор, такягоҳ, ҳунарманду ҳунаромӯз, ободкору зебоипараст ва олиҳаи ҳусн мебошанд»,-изҳор дошт Рамазон Раҳимзода.
Зимни ҳамоиш ба 240 нафар кормандзанони мақомоти корҳои дохилӣ мукофотҳои соҳавӣ, ба 681 нафар маблағҳои пулӣ ва ба 13 нафар рутбаҳои махсуси як зина боло аз вазифаи ишғолнамудаи бастӣ тақдим гардид.
Ҳамчунин ғолибони мусобиқаи идонаи тирпаронӣ, ки бахшида ба Рӯзи Модар байни кормандзанони Вазорати корҳои дохилӣ доир гардида буд, бо Диплом ва туҳфаҳо қадрдонӣ шуданд.
АКС: Вазорати корҳои дохилии Ҷумҳурии Тоҷикистон
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
