Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид

ДУШАНБЕ, 07.03.2025 /АМИТ «Ховар»/. Занону модарон амалисозандаи ҳадафҳои бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон буда, дар татбиқи мақсадҳои созандаи роҳбарияти олии сиёсии Тоҷикистон бо иҷрои рисолату масъулияти баланд барои пешбурди корҳои давлатдорӣ ва шукуфоии сарзамину некӯаҳволии сокинони Тоҷикистон нақши бориз доранд.

Чунин иброз намуд Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода 6 март зимни ҳамоиши идона бахшида ба ҷашни пуршукуҳ- Рӯзи Модар.

Низом Мирзозода бо таманнои тандурустию саодатмандӣ, сулҳу оромӣ, осмони беғубор, бахту иқболи нек ва рӯзгори осуда ба занон гуфт, ки «Зан-Модар ба монанди баҳор пурнакҳату муаттар буда, ба оғози фасли баҳор ва арафаи соли нави аҷдодӣ- Наврӯзи оламафрӯз рост омадани Рӯзи Модар дар мамлакат рамзи нек аст».

Дар таърихи башарият Зан-Модар на танҳо тарбиятгари фарзандон, балки пешбарандаи ҷомеа низ мебошад. Аз ин рӯ, арҷгузорӣ ба Зан – Модар суннати нек ва қарзи инсонӣ аст.

АКС: Кумитаи меъморӣ ва сохтмони назди Ҳукумати Ҷумҳурии Тоҷикистон