Дар Литсей барои хонандагони болаёқат дар шаҳри Душанбе ҷашни Наврӯзро бо намоиши оинҳои қадимӣ таҷлил намуданд
ДУШАНБЕ, 24.03.2025 /АМИТ «Ховар»/. Дар Муассисаи давлатии таълимии «Литсей барои хонандагони болаёқат дар шаҳри Душанбе» ба муносибати ҷашни Наврӯзи оламафрӯз чорабинии идона баргузор гардид. Дар ин хусус ба АМИТ «Ховар» аз ин муассиа хабар доданд.
Директори муассиса Асҳобиддини Шералӣ иброз дошт, ки воқеъан бо ташаббусу талошҳои сатҳи ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷашни Наврӯз аз ҷониби Созмони Миллали Муттаҳид ҷашни байналмиллалӣ эълон гардид.
«Наврӯз барои мардуми мо натанҳо хушнудиву шодмонӣ меорад, балки як восита ва айёми созандагию ободкорӣ буда, ба пешрафту ободии ҳар як хонадон, маҳалли зист, шаҳру ноҳия ва дар маҷмуъ ба ободии сарзаминамон мусоидат менамояд», — афзуд Асҳобиддини Шералӣ.
Дар идома ба як қатор омӯзгорони литсей барои хизматҳои бисёрсола дар соҳаи маориф, саҳми арзанда дар таълиму тарбияи насли наврас, тайёр намудани кадрҳои болаёқат ва иштироки фаъолона дар ҳаёти ҷамъиятӣ бо нишони «Аълочии маориф ва илми Тоҷикистон» қадрдонӣ гардиданд.
Сипас, барномаи рангини театрӣ намоиш дода шуд. Аз ҷониби хонандагони соҳибистеъдоди муассиса барномаи рангини фарҳангӣ-фароғатӣ, ки фарогири шеъру таронаҳои наврӯзӣ ва рақсу суруд буд, пешниҳод гардид.
Ёдовар мешавем, ки иштирокдорон ҷашни Наврӯзро бо оростани дастархони идонаи наврӯзӣ, баргузории бозиҳо ва мусобиқаҳои варзишӣ, намоиши суннатҳои қадимаи аҷдодӣ ва ҳунарҳои мардумӣ бо як руҳияи баланд таҷлил намуданд.
АКС: Муассисаи давлатии таълимии «Литсей барои хонандагони болаёқат дар шаҳри Душанбе»
Дар Палатаи ҳисоб бахшида ба Ҷашни байналмилалии Наврӯз ҳамоиши тантанавӣ баргузор шуд
Дар Неругоҳи барқи обии «Норак» Ҷашни байналмилалии Наврӯз бо шукуҳу ҷалоли хосса таҷлил карда шуд
Дар Вазорати нақлиёт аз дастовардҳои роҳсозон аз Наврӯз то Наврӯз ёдовар шуданд
Гузоштани тоқӣ дар сар яке аз анъанаҳои ҷашни Наврӯз аст
Бахшида ба Ҷашни байналмилалии Наврӯз дар Хоруғ озмуни шаҳрии «Дастархонороӣ» баргузор гардид
Оростани хони наврӯзӣ бо рамзҳои «Ҳафтсин» ва «Ҳафтшин» нишони файзу баракат ва фардои дурахшон ҳисобида мешавад
Роҳиоҳанчиёни тоҷик Ҷашни байналмилалии Наврӯзро бо суннатҳои наврӯзӣ истиқбол гирифтанд
Ҷашни Наврӯз ҳикмати бузурги фалсафаи зиндагӣ ва сарнавишти мардуми тоҷик аст
Наврӯз аз маҳбубтарин ҷашнҳои таърихӣ ва фарҳангии миллати тоҷик мебошад
«ТОҶИКИСТОН ВАТАНИ НАВРӮЗ АСТ». Дар вилояти Хатлон ҷашни Наврӯз бо анъанаҳои хос таҷлил мегардад
Кормандони Вазорати энергетика ва захираҳои оби Тоҷикистон Наврӯзро ботантана истиқбол намуданд
Президенти Туркманистон дар Ашқобод бо таомҳои миллӣ ва ҳунарҳои мардумии тоҷикон шинос шуд
