Дар назди Донишгоҳи технологии Тоҷикистон Маркази таълими забони кореягӣ ва омодасозии касбӣ ифтитоҳ гардид
ДУШАНБЕ, 02.03.2025. /АМИТ «Ховар»/. 28 феврал дар Донишгоҳи технологии Тоҷикистон Маркази таълими забони кореягӣ ва омодасозии касбии назди донишгоҳ ифтитоҳ гардид. Дар ин хусус ба АМИТ «Ховар» аз ин донишгоҳ иттилоъ доданд.
Ректори Донишгоҳи технологии Тоҷикистон Зоир Раҳмонзода гуфт, ки «Ҷумҳурии Тоҷикистон баъди соҳибистиқлолӣ бо ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон дар самти сиёсати хориҷии хеш сиёсати «дарҳои боз»-ро пеш гирифта, бо ҳар кишваре, ки ба манфиатҳои миллии мо эҳтиром мегузорад ва муносибати мутаносибу мувозинро пайгирӣ менамояд, равобиту ҳамкории хуб амалӣ мешавад».
Донишгоҳи технологии Тоҷикистон бо донишгоҳу донишкада ва корхонаҳои Ҷумҳурии Корея ҳамкории илмию таълимӣ, табодули академӣ ва таҷрибавӣ дошта, солҳои охир якчанд лоиҳаи ҳамкорӣ бо ин давлат амалӣ мегарданд.
Дар ин замина бо мувофиқа ва мусоидати Вазорати саноат ва технологияҳои нави Ҷумҳурии Тоҷикистон дар самти густариши ҳамкорӣ бо ташкилоту созмонҳои кореягӣ байни Вазорати саноат ва технологияҳои нави Ҷумҳурии Тоҷикистон, сохтори зертобеи вазорат — Донишгоҳи технологии Тоҷикистон ва Корпоратсияи EFC-и Ҷумҳурии Корея Ёддошти тафоҳуми сеҷониба ба имзо расид. Моҳияти ин санад аз таъсиси фаъолияти Маркази таълими забони кореягӣ ва омодасозии касбии назди Донишгоҳи технологии Тоҷикистон иборат аст.
Ҳадафи таъсиси марказ фароҳам овардани шароити мусоид барои омӯзиши забони кореягӣ барои шаҳрвандони Ҷумҳурии Тоҷикистон мебошад. Он ҷавононро ба муҳити нави касбӣ ва ғайрикасбӣ, фарҳангӣ ва иҷтимоӣ тавассути таълиму тадрис мутобиқ намуда, барои баланд бардоштан ва беҳтар намудани сифати зиндагии онҳо аз тариқи фаъолият дар ширкату корхонаҳои Ҷумҳурии Корея мусоидат менамояд.
АКС: Донишгоҳи технологии Тоҷикистон
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
