Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
ДУШАНБЕ, 03.03.2025. /АМИТ «Ховар»/. Имрӯз мулоқоти Котиби Шурои амнияти Ҷумҳурии Тоҷикистон Раҳмон Юсуф бо Директори Кумитаи иҷроияи Сохтори минтақавии зиддитеррористии Созмони ҳамкории Шанхай Уларбек Шаршеев доир гардид, хабар медиҳад АМИТ «Ховар».
Дар вохӯрӣ масоили густариши ҳамкории дуҷониба ва бисёрҷониба дар мубориза бар зидди терроризму экстремизми байналмилалӣ ва дигар зуҳуроти номатлуби ҷаҳони муосир, аз қабили гардиши ғайриқонунии маводи нашъадору аслиҳа ва ҷиноятҳои муташаккили фаромилӣ дар қаламрави давлатҳои аъзои Созмони ҳамкории Шанхай ва минтақа мавриди баррасӣ қарор дода шуд.
Зимни мулоқот фаъолнокии Тоҷикистон дар мубориза бар зидди зуҳуроти номатлуби ҷомеа таъкид гардида, ҷонибҳо ҷиҳати татбиқи амалии санадҳои ҳамкорӣ дар соҳаи амнияту бехатарӣ вобаста ба авзои мураккаби сиёсӣ ва иқтисодию амниятии минтақа ва ҷаҳон, хусусан Барномаи ҳамкорӣ дар мубориза бар зидди терроризму ифротгароӣ ва ҷудоихоҳӣ, ки аз ҷониби сарони давлатҳои аъзои созмон дар саммити Созмони ҳамкории Шанхай соли 2024 дар шаҳри Остона қабул шуда буд, изҳори омодагӣ намуданд.
Ҳамчунин дар мулоқот доир ба дигар масоили мавриди таваҷҷуҳи ҷонибҳо табодули афкор анҷом дода шуд.
АКС: АМИТ «Ховар»
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
