Муколамаи коршиносон оид ба тамоюл ва дурнамои муосири «Осиёи Марказӣ+Ҷопон» доир гардид
ДУШАНБЕ, 07.03.2025 /АМИТ «Ховар»/. 6 март дар шаҳри Остонаи Қазоқистон таҳти унвони «Осиёи Марказӣ + Ҷопон: тамоюл ва дурнамои муосир» муколамаи коршиносон баргузор гардид, ки дар он директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода ба тариқи маҷозӣ иштирок ва суханронӣ намуд. Дар ин хусус АМИТ «Ховар» бо истинод ба хадамоти матбуоти Маркази тадқиқоти стратегӣ хабар медиҳад.
Дар рӯзномаи чорабинӣ самтҳои дурнамои ҳамкорӣ дар доираи қолаби Осиёи Марказӣ + Ҷопон баррасӣ шуда, дар он намояндагони доираҳои сиёсӣ, дипломатӣ ва роҳбарону коршиносони марказҳои илмӣ-таҳлилии давлатҳои Осиёи Марказӣ ва Ҷопон иштирок намуданд.
Директори Маркази тадқиқоти стратегӣ дар мавзуи «Қолаби «Осиёи Марказӣ+Ҷопон»-гарави муваффақияти иқтисодӣ ва муколамаи созандаи минтақавӣ» маъруза намуд. Гуфта шуд, ки «муколамаи Осиёи Марказӣ+Ҷопон» ҳамчун минбари муҳими ҳамкории мо хизмат менамояд. Ҷалби сармоягузории ҷопонӣ ба иқтисодиёти Тоҷикистон яке аз самтҳои афзалиятноки ҳамкорӣ боқӣ мемонад. Илова бар ин, ҳамкорӣ бо Ҷопон дар бахши энергетика ва технологияҳои «сабз» аҳамияти стратегӣ пайдо менамояд».
Амалӣ намудани лоиҳаҳои муштарак дар соҳаҳои иқтисоди «сабз» ва рақамӣ, идораи захираҳои обӣ ва энергетика, таъсиси корхонаҳои саноатии муштарак бо истифодаи технологияҳои пешрафтаи Ҷопон дар минтақаҳои озоди иқтисодӣ метавонад содироти маҳсулоти экологии тозаи Тоҷикистонро афзоиш дода, марказҳои логистикиро ташаккул диҳад. Ин раванд ба ҳалли мушкилоти экологӣ ва таъмини амнияти энергетикӣ мусоидат менамояд, ки дар шароити тағйирёбии иқлим ва афзоиши талабот ба истифодаи самараноки захираҳои табиӣ хеле муҳим аст.
Ҳамзамон Хайриддин Усмонзода бо ишора ба масъалаҳои маориф ва илм иброз намуд, ки «бо назардошти дурнамои рушд ҳамкорӣ дар соҳаи маориф метавонад тавассути афзоиши квотаҳо барои таҳсили донишҷӯёни тоҷик дар донишгоҳҳои пешрафтаи Ҷопон, татбиқи лоиҳаҳои муштараки илмӣ-таҳқиқотӣ, мубодилаи устодон ва мутахассисон густариш ёбад. Мо ҳамчун маркази таҳқиқотӣ-илмӣ барои ҳамкории ҳамаҷониба дар ин самт омода ҳастем. Илова бар ин, барномаҳои таълимӣ ва ташаббусҳои стипендиявии Ҷопон барои ҷавонони тоҷик имконоти нав мекушоянд. Ин дар дурнамои дарозмуддат ба таҳкими иқтидори кадрии мамлакат мусоидат менамояд».
АКС: Маркази тадқиқоти стратегии назди Президенти Ҷумҳурии Тоҷикистон
Томас Мануэл: «Тоҷикистон дар самти мушкилиҳои марбут ба обу иқлим давлати пешсаф муаррифӣ гардидааст»
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
