Ҳоким Холиқзода дар Москва дар Форуми байналмилалии иқтисодии кишварҳои иштирокдори ИДМ 2025 иштирок намуд
ДУШАНБЕ, 29.03.2025. /АМИТ «Ховар»/. 28 март муовини якуми Сарвазири Ҷумҳурии Тоҷикистон – раиси Шурои иқтисодии Иттиҳоди Давлатҳои Мустақил Ҳоким Холиқзода дар Форуми байналмилалии иқтисодии кишварҳои иштирокдори Иттиҳоди Давлатҳои Мустақил 2025 «Навгаштиҳои рушди шарикӣ дар Авруосиёи Бузург. Ҳамкории инноватсионӣ ва илмӣ-технологӣ» иштирок ва суханронӣ намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Федератсияи Русия хабар доданд.
Дар рафти ҷаласа ҳайатҳои васеи кишварҳои минтақа масъалаҳои мубрами тавсеаи ҳамкории иқтисодӣ, тадбирҳои роҳандозигардидаи мақомоти давлатӣ дар робита ба дастгирии лоиҳаҳои сармоягузорӣ ва инноватсионӣ, таҳияи ташаббусҳои муштарак дар соҳаҳои илму технология, таҳкими занҷираҳои истеҳсолӣ ва логистикии Авруосиё ва дигар масъалаҳои муҳими рушди равобити кишварҳои Иттиҳодро мавриди баррасӣ қарор доданд.
Ҳоқим Холиқзода таъкид намуд, ки чорабинии мазкур дар давраи раёсати Тоҷикистон дар Иттиҳоди Давлатҳои Мустақил баргузор мегардад ва дар ин росто Тоҷикистон ба самтҳои рушди илмӣ-техникӣ, инноватсия, иқтисоди рақамӣ ва сабз, инчунин тағийрёбии иқлим ва ҳамкории байниминтақавӣ таваҷҷуҳи хосса зоҳир менамояд.
Илова бар ин дар робита ба татбиқи самтҳои авлавиатноки рушди Ҷумҳурии Тоҷикистон, аз ҷумла Стратегияи миллии рушди ҷумҳурӣ то соли 2030 ва эълон гардидани 2025-2030 «Солҳои рушди иқтисоди рақамӣ ва инноватсия» маълумот дода шуд.
Таъкид гардид, ки ҳиссаи кишварҳои Иттиҳоди Давлатҳои Мустақил дар сохтори гардиши савдои хориҷии Ҷумҳурии Тоҷикистон 50%-ро ташкил медиҳад.
Дар доираи форум маросими супоридани ҷоизаҳои «Пешвои ҳамгироии иқтисодии Иттиҳоди Давлатҳои Мустақил» ва «Соҳибкори Пешвои Иттиҳоди Давлатҳои Мустақил» баргузор гардид.
АКС: Сафорати Ҷумҳурии Тоҷикистон дар Федератсияи Русия
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
