SuperApp-и маъруф боз ҳам мувофиқтар гардид

Март 5, 2025 12:00

ДУШАНБЕ, 05.03.2025 /АМИТ «Ховар»/. Мутахассисони IT-и ширкати «МегаФон Тоҷикистон» интерфейси замимаи мобилии «МегаФон Life»-ро такмил доданд. Яке аз маъмултарин SuperApp-и ҷумҳурии мо барои корбарон мувофиқтар гардидааст  ва иҷрои якчанд амал ҳоло вақти камтарро  мегирад.   

Хизматрасониҳо зери тугмаи алоҳида

Пайдо намудани сервисҳои зарурӣ дар дохили замима осонтар  гардид. Пештар дарёфти онҳо тавассути «Ҳамён» доир мешуд.  Ҳоло барои ин  пахши  тугмаи «Хизматрасониҳо» дар феҳристи  поёни экран кифоя аст. Дар рӯйхати кушодашуда шумо метавонед маҳсулоти хӯрокворӣ ва доруҳоро фармоиш диҳед, қарзу суғуртаро  ба расмият дароред, чиптаҳои ҳавопаймо, чиптаҳоро барои  кино,  театр ва намоишгоҳҳо бихаред.

Аз сторис рост ба сомона

Сторисҳои  интерактивии дар зери хати тасвири  тавозун ҷойгиршуда такмил дода шуданд. Пештар шумо бояд аввал паёмакро  аз назар мегузаронидед ва  сипас ба  сомонаи ҷолиб мустақилона тавассути браузер мегузаштед.  Ҳоло ҳангоми пахши сторис корбар фавран ба «нуқтаи даркорӣ» мерасад. Масалан, равзанаи «Кор дар МегаФон» соҳиби смартфонро ба сомонаи jobfm.tj мебарад, ки дар он ҷо вазифаҳои  озодро   пайдо намудан мумкин аст.

Суроға (диплинк)-ҳо – роҳи кӯтоҳ ба сӯи маълумот

Зимнан, масири  иттилоот  низ  содатар  карда шудааст. Истифодаи суроғаҳои бевосита (диплинкҳо) имкон медиҳад, ки соҳибони дастгоҳҳои Android ва iOS  ба  бахши зарурии замимаи MeгаФон  Life гузаранд. Масалан, ҳангоми гирифтани SMS бо пешниҳоди тамошои блокбастери нав корбар аз тариқи суроғаи воридшуда ба саҳифаи  иқдоми дахлдор дар замима мегузарад. Ҳамин тариқ, роҳ чанд қадам кӯтоҳтар шуд ва  дар хотир гирифтани  тартиби амалҳо дигар зарур нест,  зеро  онҳо  бо истиноди бевосита иваз карда мешаванд.

Мушаххаскунӣ (идентификатсия) дар дохили замима

Мутахассисони ширкати «МегаФон Тоҷикистон» дар радифи дигар имконоти мувофиқ пешниҳод намуданд, ки тартиби идентификатсияи   фосилавии истифодабаранда содатар карда шавад. Акнун метавонед онро бевосита дар замима, бе гузариш ба  сомона  анҷом диҳед. Инчунин бо ин роҳ вақт камтар сарф шуда,  маҳорати  корбар меафзояд.

«МегаФон Life» ҳарчи  бештар ба воситаи муфиду  муносиб ва функсионалӣ табдил ёфта, барои рафъи аксари  эҳтиёҷоти   ҳаррӯза кумак мерасонад. SuperApp –ро  боргирӣ намоед ё онро то  сатҳи намунаи охирин нав намуда,  аз тамоми имконияти замима баҳравар гардед!

АКС: ширкати МегаФон Тоҷикистон

Март 5, 2025 12:00

Хабарҳои дигари ин бахш

Дар шаҳри Новосибирски Русия гӯшаи забон ва адабиёти тоҷик ифтитоҳ ёфт
Имрӯз дар водиҳои Тоҷикистон ҳаво то 34 дараҷа гарм мешавад
Ҳаким Фирдавсӣ камоли бузургвории устод Рӯдакиро дар забону адаби мо дар «Шоҳнома» мавриди ситоиш қарор додааст
Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид
Имрӯз дар шаҳри Душанбе ҳаво то 32 дараҷа гарм мешавад
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Татбиқи инноватсия дар фаъолияти китобдорӣ муҳим аст
Дар Бадахшон даври вилоятии Озмуни ҷумҳуриявии «Илм- фурӯғи маърифат» ҷамъбаст гардид
Имрӯз дар доманакӯҳҳои Тоҷикистон ҳаво то 30 дараҷа гарм мешавад
ТАҚВИМИ АМИТ «ХОВАР»: имрӯз 20 сентябр, шанбе, 263-юмин рӯзи соли 2025 аст
Ҳамкории мақомоти ноҳияи Шаҳринав ва Сафорати Ҷопон дар самти рушди соҳаи маориф тақвият меёбад
Имрӯз дар шаҳри Душанбе ҳаво то 29 дараҷа гарм мешавад
Интернети хонагӣ бештар дастрас гардид