Дар Душанбе таҳти унвони «Саҳми Тоҷикистон дар татбиқи Ҳадафҳои рушди устувор ва дипломатияи «сабз»» конфронси байналмилалӣ баргузор гардид
ДУШАНБЕ, 15.04.2025 /АМИТ «Ховар»/. 15 апрел дар Донишгоҳи байналмилалии сайёҳӣ ва соҳибкории Тоҷикистон конфронси байналмилалии илмию амалӣ таҳти унвони «Саҳми Ҷумҳурии Тоҷикистон дар татбиқи Ҳадафҳои рушди устувор ва дипломатияи сабз», бахшида ба «Соли 2025 — Соли байналмилалии ҳифзи пиряхҳо», баргузор гардид.
Тавре ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон хабар доданд, конфронсро ректор Убайдулло Асрорзода оғоз намуда, доир ба ташаббусҳои Ҷумҳурии Тоҷикистон таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти таҳкими муносибатҳои дипломатии Тоҷикистон бо кишварҳои хориҷӣ, татбиқи амалии Ҳадафҳои рушди устувор ва рушди иқтисоди сабз суханронӣ намуд.
Ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ Аъзамшо Шарифӣ доир ба ташаббусҳои байналмилалии Пешвои миллат дар самти дипломатияи сабз ва мубориза бо тағйирёбии иқлим, инчунин натиҷаҳои ин ташаббусҳо барои ҷомеаи ҷаҳонӣ ва нақши онҳо дар боло бурдани нуфузи Ҷумҳурии Тоҷикистон дар татбиқи Ҳадафҳои рушди устувор ибрози назар намуд.
Дар идомаи кори конфронс намояндагони корпуси дипломатии муқими шаҳри Душанбе оид ба ҳамкории байналмилалӣ дар самти ҳифзи муҳити зист ва иқтисоди сабз, аз ҷумла бо Ҷумҳурии Тоҷикистон ва инчунин таҷрибаи кишварҳои худ дар татбиқи Ҳадафҳои рушди устувор суханронӣ карданд.
Ҳамчунин дар доираи конфронс ҷаласаи пленарӣ баргузор гардид, ки дар он маърӯзаҳои олимони Академияи миллии илмҳои Тоҷикистон, намояндагони ташкилотҳои байналмилалӣ ва молиявӣ шунида шуданд.
Кори конфронс дар 7 бахши алоҳида, ки ба ҷабҳаҳои гуногуни татбиқи Ҳадафҳои рушди устувор ва пешбурди дипломатияи сабз дар сатҳи байналмилалӣ ва хусусиятҳои он дар Ҷумҳурии Тоҷикистон бахшида шуда буданд, бо шунидани 46 маърӯзаи илмӣ аз ҷониби муҳаққиқони Институти илмию тадқиқотии рушди устувор ва иқтисоди сабз, Донишгоҳи байналмилалии сайёҳӣ ва соҳибкории Тоҷикистон, Институти илмию тадқиқотии сайёҳӣ ва соҳибкорӣ, Академияи миллии илмҳои Тоҷикистон, Донишгоҳи миллии Тоҷикистон, Донишгоҳи славянии Русияву Тоҷикистон, Донишгоҳи технологии Тоҷикистон ва Донишгоҳи давлатии молия ва иқтисоди Тоҷикистон идома ёфт.
Дар анҷоми конфронс саволу ҷавоб ва музокирот баргузор гардид.
АКС: Донишгоҳи байналмилалии сайёҳӣ ва соҳибкории Тоҷикистон
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
