Дар Ҳисор базми идонаи наврӯзӣ баргузор гардид
ДУШАНБЕ, 07.04.2025 /АМИТ «Ховар»/. Дар дараи хушманзараи Алмосии шаҳри Ҳисор бо ибтикори Вазорати корҳои хориҷии Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Ҳисор бо иштироки роҳбарияти Вазорат ва намояндагиҳои дипломатии муқими шаҳри Душанбе базми идонаи наврӯзӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Ҳисор иттилоъ доданд.
Дар базми наврӯзӣ ҳунармандони шаҳр намунаҳои ҳунарҳои мардумӣ, аз ҷумла суфраи наврӯзии ҳафтсину ҳафтшин, хӯрокҳои миллӣ, гӯшаҳои мероси ниёгон, кишоварзон, варзишгарон ва амсоли инҳоро ба маърази намоиш гузоштанд, ки ба намояндагони корпуси дипломатии муқими Тоҷикистон писанд омаданд.
Меҳмонон аз барномаҳои рангини наврӯзӣ ба ваҷд омада, онро беҳтарин оине маънидод намуданд, ки халқҳоро ба ҳам оварда, сулҳу ваҳдатро таҳким мебахшад.
Ҷашни Наврӯз ҳамчун яке аз рамзҳои ҳувияти миллӣ ва оини суннатии ниёгони тоҷикон бо шарофати сиёсати Президенти Ҷумҳурии Тоҷикистон муҳтарам Эмомалӣ Раҳмон эҳё гардида, аз ҷониби ҷомеаи ҷаҳонӣ чун ҷашни байналмилалӣ пазируфта шуд.
Базми наврӯзиро ҳунармандони шуъбаи фарҳанги шаҳри Ҳисор бо барномаи консертии иборат аз суруду таронаҳо дар васфи Тоҷикистон, баҳору Наврӯз ва зебоиҳои табиати нотакрори мамлакат рангину ҷаззоб намуданд.
АКС: Мақомоти иҷроияи ҳокимияти давлатии шаҳри Ҳисор
Шоҳҷоизаҳои мусобиқаи гӯштини миллии ноҳияи Ёвонро Ғазалшои Давлатшо ва Муҳаммадҷон Абдуҷалилзода соҳиб шуданд
Фестивали муассисаҳои таҳсилоти ибтидоӣ ва миёнаи касбӣ оид ба ҷашни Наврӯз баргузор шуд
Дар Раёсати Қӯшунҳои сарҳадии вилояти Суғд Ҷашни байналмилалии Наврӯз таҷлил гардид
ДИПЛОМАТИЯИ ФАРҲАНГӢ. Наврӯз обрӯи Тоҷикистонро дар арсаи байналмилалӣ баланд мебардорад
Дар Душанбе ҳамоиши тантанавии «Баҳори ҷавонӣ — Наврӯзи ҷаҳонӣ» баргузор гардид
Дар Хадамоти алоқаи Тоҷикистон бахшида ба Ҷашни байналмилалии Наврӯз ҳамоиши тантанавӣ доир гардид
Дар Женева Ҷашни байналмилалии Наврӯзро таҷлил намуданд
Иди байналмилалии Наврӯз дар Қароргоҳи СММ дар шаҳри Вена таҷлил гардид
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
Маросими гусели сарони давлатҳои Қирғизистон ва Узбекистон
Иштироки сарони давлатҳои Тоҷикистон, Қирғизистон ва Узбекистон дар барномаи фарҳангии муштараки наврӯзӣ
Суханронии Президенти Ҷумҳурии Тоҷикистон Эмомалӣ Раҳмон дар Барномаи фарҳангӣ ба ифтихори ҷашни байналмилалии Наврӯз
