Дар Ҳисор маҳфил – озмуни «Тоҷикистони ман!» оғоз гардид
ДУШАНБЕ, 27.04.2025 /АМИТ «Ховар»/. Бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Ҳисор дар муассисаҳои таҳсилоти миёнаи умумӣ ва коллеҷу литсейҳои шаҳри Ҳисор байни хонандагони синфҳои 10 ва 11 маҳфил-озмуни «Тоҷикистони ман!» оғоз гардид.
Тавре ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар доданд, мақсад аз гузаронидани маҳфил-озмун- ин таҳкими арзишҳои маънавию фарҳангӣ, муаррифии Тоҷикистон ба ҷаҳониён ҳамчун халқи дорои таърихи қадимӣ, бедор намудани ҳисси ватандӯстию меҳанпарастӣ, баланд бардоштани сатҳи маънавии ҷавонон, бедор намудани ҳисси худшиносии миллӣ, таблиғи дастовардҳои миллӣ, мустаҳкам намудани пояҳои Истиқлолияти давлатӣ, ваҳдати миллӣ, талқини онҳо барои озодона сухан гуфтан бо забони ноби адабии тоҷикӣ ва ғайра мебошад.
Ба ҳар иштирокчӣ барои муаррифӣ ва ғазалҳои азбарнамудааш вақти озод дода шуда, ҳар иштирокӣ 10 ғазал дар мавзуи Тоҷикистон, Ватан, Истиқлолият, Ваҳдат, Пешвои миллат, Ҳизби Халқии Демократии Тоҷикистон ва амсоли ин мавзуъҳо бояд хонад. Маҳорату истеъдоди иштирокчиёни озмун аз рӯйи қироати ифоданоки шеър ва ҷавоб додан ба саволҳои пешниҳодшуда муайян карда мешавад.
Маҳфил-озмун дар ду давр баргузор мешавад. Даври якум аз 23 апрел то 21 май дар доираи коллеҷу литсейҳо ва муассисаҳои таҳсилоти миёнаи умумии шаҳри Ҳисор гузаронида мешавад. Даври дуюм аз 14 май то 16 май барои ғолибони ҷойҳои якуми даври якум дар сатҳи шаҳр баргузор мегардад.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
