Дар шаҳри Гулистон Бизнес-форуми Тоҷикистон ва Тотористон баргузор гардид

Апрель 5, 2025 11:07

ДУШАНБЕ, 05.04.2025. /АМИТ «Ховар»/. 4 апрел дар шаҳри Гулистон Бизнес-форуми Тоҷикистон ва Тотористон баргузор гардид. Дар ин хусус ба АМИТ «Ховар» аз Хадамоти матбуоти Раиси вилояти Суғд иттилоъ доданд.

Дар кори Бизнес-форум намояндагон ва роҳбарони ширкатҳои истеҳсолии доираҳои тиҷоратӣ доир ба ҳамкорӣ ва зиёд намудани содироти маҳсулоти тару тозаи Тоҷикистон ба Тотористон, татбиқи лоиҳаҳои нав ва бунёди корхонаҳои саноатӣ мубодилаи афкор намуданд.

Иброз гардид, ки ташкили корхонаҳои муштарак, ҷорӣ кардани технологияҳои нав ва густариши ҳамкорӣ байни минтақаҳо ба рушди бештари муносибатҳо мусоидат хоҳад кард.

Иттилоъ дода шуд, ки имрӯзҳо дар вилояти Суғд зиёда 1200 корхонаи саноатӣ фаъолият дошта, дар онҳо 300 номгӯи маҳсулот истеҳсол карда мешавад. Вилоят аз захираҳои табиӣ бой буда, дар ҳудуди он корхонаҳои маъдану металлургии истихроҷи тилло, нуқра, сурбу руҳ, ангишт, мармар ва ғайраҳо мавҷуданд.

Инчунин бо дастгириҳои Ҳукумати Ҷумҳурии Тоҷикистон вилояти Суғд бо манотиқи гуногуни давлатҳои хориҷи дуру наздик созишномаю меморандуми ҳамкорӣ дошта, бо зиёда аз 60 мамлакати олам ҳамкории тиҷоративу иқтисодӣ дорад.

Баъди анҷоми Бизнес-форум иштирокдорон ба тамошои Қасри Арбоб ва Қалъаи Хуҷанд рафтанд.


Ёдовар мешавем, ки 3 апрели соли равон дар Қасри миллат Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Раиси Ҷумҳурии Тотористони Федератсияи Русия Рустам Миннихановро, ки бо ҳайати кории ин кишвар ба ҷумҳурии мо ташриф овардааст, ба ҳузур пазируфтанд.

Дар вохӯрӣ вазъи кунунӣ ва дурнамои муносибатҳои дӯстию ҳамкории Тоҷикистону Тотористон баррасӣ гардид. Аз ҷумла, имконияти ташкили корхонаҳои муштарак оид ба коркарди ашёи хом то ба маҳсулоти тайёр, аз қабили ришта аз абрешим ва пашм, навъҳои гуногуни матоъ, либоси махсуси корӣ ва мебел муҳокима шуд. Дар ин робита таъкид гардид, ки ҳарду ҷониб ба таҳкими ҳамкорӣ барои таъсиси корхонаҳои нассоҷӣ манфиатдоранд.

Ба таъкиди Рустам Минниханов, дар чаҳорчӯби ин сафар чорабиниҳои муаррифии Ҷумҳурии Тотористон дар Тоҷикистон доир карда мешавад. Шиносоӣ бо якчанд корхона низ дар назар дошта шудааст, ки барои тавсеаи робитаҳои дуҷониба имконияти хуб мегардад

АКС: Хадамоти матбуоти Раиси вилояти Суғд

Апрель 5, 2025 11:07

Хабарҳои дигари ин бахш

Хоҷагиҳои деҳқонии ноҳияи Ванҷ соҳиби 9 трактор гардиданд
МАСЛИҲАТИ МУТАХАССИС. Барои захира намудани картошка бунёди анбори муосири нигоҳдорӣ зарур аст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Директори генералии Хазинаи Қатар оид ба рушд бо ҷараёни корҳои сохтмонӣ дар НБО «Роғун» шинос шуд
Байни Тоҷикистон ва Хазинаи Қатар оид ба рушд Созишномаи қарзи имтиёзнок барои сохтмони НБО «Роғун» ба имзо расид
Дар Москва ҷаласаи навбатии коршиносони Шурои роҳбарони хадамоти гумруки ИДМ баргузор гардид
Тоҷикистон ва Чин барои бунёди роҳҳои дусатҳа дар шаҳри Душанбе ба мувофиқа расиданд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид