«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
ДУШАНБЕ, 21.04.2025. /АМИТ «Ховар»/. Бо мақсади бартараф намудани омилҳои халалдоркунандаи симои шаҳр, ба танзим даровардани бетартибӣ дар назди бозорҳои ҳудуди шаҳру ноҳияҳои вилояти Хатлон, аз байн бурдани ҳолатҳои фурӯши ғайрисанитарии маҳсулоти хӯрокворӣ, тоза намудани роҳравҳои назди бозор аз савдои кӯчагӣ, ки боиси нороҳатӣ ва муроҷиати шаҳрвандон гардидааст, аз ҷониби Раёсати Вазорати корҳои дохилӣ дар вилояти Хатлон бо ҷалби кормандони дигар мақомоти ҳифзи ҳуқуқ ва сохторҳои ваколатдори давлатӣ амалиёти профилактикии «Маданияти шаҳрдорӣ» оғоз гардид.
Тавре аз Раёсати Вазорати корҳои дохилӣ дар вилояти Хатлон ба АМИТ «Ховар» хабар доданд, дар вақти гузаронидани амалиёт танҳо дар атрофи бозори «Фаровон»-и шаҳри Бохтар нисбат ба ҳуқуқвайронкунандагон 540 санади ҳуқуқвайронкунии маъмурӣ тартиб дода шуд.
Дар натиҷаи бурдани корҳои фаҳмондадидӣ якчанд фурӯшанда дар дохили бозор соҳиби ҷой ва раста барои фурӯши маҳсулот гардид.
Зимнан нуқтаҳои савдо ва хизматрасоние, ки дар атрофи бозори «Фаровон»-и шаҳри Бохтар бе иҷозатнома фаъолият дошанд, бартараф карда шуданд. Ин нуқтаҳои фурӯш, ки дар ду канори роҳи пиёдагард воқеъ буданд, ба пиёдагардон халал мерасониданд.
Дар ин замина масъулини Раёсати Вазорати корҳои дохилӣ дар вилояти Хатлон аз соҳибмулкони мағозаву марказҳои хизматрасонӣ ва аҳолии вилоят хоҳиш менамояд, ки талаботи қонунгузорӣ ва одоби шаҳрдориро риоя намоянд.
Симои шаҳрдорӣ муаррифи фарҳангу маданияти сокинону бошандагон буда, аз ҳар сокини шаҳр тақозо менамояд, ки тартиботи дохилӣ ва фарҳанги шаҳрдориро риоя намояд. Зеро набудани тартибот дар гулгашту хиёбон, назди бозор ва марказҳои савдои умумӣ, ба монанди савдо дар ҷойи номуайяншуда, бе риояи қоидаҳои санитарию гигиенӣ дар замин гузошта, фурӯхтани маҳсулоти хӯрокворӣ, худсарона гузоштани танӯр ва дар роҳрав гузоштани мизу растаҳои фурӯшӣ ба симои шаҳр таъсири манфӣ мерасонад.
АКС: Раёсати Вазорати корҳои дохилӣ дар вилояти Хатлон
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
