Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
ДУШАНБЕ, 28.09.2026 /АМИТ «Ховар»/. Масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират дар Муассисаи давлатии Коллеҷи захираҳои обӣ дар шаҳри Санкт-Петербург бо донишҷӯён-шаҳрвандони Тоҷикистон вохӯрӣ намуданд. Дар ин хусус мухбири АМИТ «Ховар» дар Федератсияи Русия хабар медиҳад.
Иброз гардид, ки муассиса барои омода намудани кадрҳои коргарӣ мутобиқ ба бозори меҳнати Федератсияи Русия фаъолият менамояд. Дар он беш аз 50 нафар шаҳрвандони Тоҷикистон таҳсил менамоянд.
Зимни вохӯрӣ ба донишҷӯёни тоҷик масъалаи талаботи қонунгузории будубоши шаҳрвандон, танзими раванди таҳсил ва имконоти мавҷуда дар ин муассиса, сари вақт ба расмият даровардани ҳуҷҷатҳои будубош, пешгирии ҳолатҳои ҷинояткорӣ дар байни ноболиғон ва ҷавонон, гаравиш ба гурӯҳҳои ифротгаро ва тундгаро, ҳизбу ҳаракатҳои иртиҷоӣ, равияҳои динию мазҳабӣ, пешгирӣ аз бемориҳои сироятӣ ва нигоҳ доштани ҳолатҳои санитарию гигиенӣ, тарбияи ватандӯстӣ ва ифтихори миллии онҳо, эҳтиром ба арзишҳои миллию давлатӣ, забон, фарҳанг ва осори гаронбаҳои халқи тоҷик фаҳмонида шуд.
Тавсия дода шуд, ки арзишҳои фарҳангӣ ва таърихи мардуми давлати иқоматро эҳтиром намуда, талаботи қонунгузории онро риоя намоянд.
АКС: Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
