Масоили рушди ҳамкорӣ дар самти рақамикунонӣ бо намояндагони Иттиҳоди Аврупо баррасӣ шуд
ДУШАНБЕ, 15.04.2025 /АМИТ «Ховар»/. 14 апрел дар мулоқоти ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода бо намояндагони ташаббуси дастҷамъонаи Иттиҳоди Аврупо оид ба пайвастагии рақамӣ (Team Europe Initiative) масъалаҳои ҳамкорӣ дар самти рақамикунонӣ, ҳифзи иттилоот, амнияти киберӣ ва зеҳни сунъӣ баррасӣ шуданд. Дар ин хусус ба АМИТ «Ховар» аз ин донишгоҳ хабар доданд.
Қудрат Давлатзода аз таваҷҷуҳи махсуси Президенти Ҷумҳурии Тоҷикистон муҳтарам Эмомалӣ Раҳмон нисбат ба масъалаи амнияти киберӣ, рақамисозии иқтисоди миллӣ ва таҳкими инфрасохтори муосир дар Паём ба Маҷлиси Олии Ҷумҳурии Тоҷикистон 28 декабри соли 2024 ва пешниҳодҳои Президенти мамлакат дар Ҳамоиши Осиёи Марказӣ ва Иттиҳоди Аврупо 4 апрели соли равон дар шаҳри Самарқанд оид ба амалисозии ҳамкории байналмилалӣ бо дастаи «Ташаббуси Team Europe» ва барномаҳои «Дарвозаҳои глобалӣ (Global Gateway) ёдоварӣ намуда, онҳоро муҳим ва саривақтӣ номид.
Дар мулоқот муҷаҳҳазгардонии марказҳои таълимии IT, баланд бардоштани иқтидори моддию техникии факултети технологияҳои рақамӣ, системаҳо ва ҳифзи иттилоот, ҷалби бештари духтарон ба омӯзиши барномаҳои технологияҳои иттилоотӣ, баланд бардоштани маърифати иттилоотӣ ва такмили дараҷаи касбии омӯзгорон дар хориҷи мамлакат муҳим арзёбӣ гардида, ҷонибҳо барои дар муҳлати кӯтоҳтарин амалисозии онҳо ба мувофиқа расиданд.
Меҳмонон бо фаъолияти факултети технологияҳои рақамӣ, системаҳо ва ҳифзи иттилоот ва факултети муштарак шинос шуда, ба натиҷаҳои бадастомада ва бокортаъминшавии хатмкунандагон баҳои баланд доданд.
Ёдовар мешавем, ки барои иҷрои муқаррароти нақшаи чорабиниҳо аз рӯйи натиҷаҳои сафари давлатии Президенти Ҷумҳурии Тоҷикистон ба Ҷумҳурии Қазоқистон 3-4 майи соли 2023 дар заминаи Донишгоҳи техникии Тоҷикистон факултети муштараки байналмилалии технологияҳои иттилоотии Донишгоҳи миллии АвруОсиё ба номи Л.Н. Гумилёв аз рӯйи ихтисосҳои «информатика (самти омӯзгорӣ)», «маъмурикунонӣ, идора ва ҳифзи системаҳо ва шабакаҳои компютерӣ дар корхонаҳо» ва «системаҳои бехатарии иттилоотӣ» таъсис дода шудааст.
АКС: Донишгоҳи техникии Тоҷикистон ба номи академик Муҳаммад Осимӣ
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд
