Табодули академӣ ва таҷрибаомӯзии донишҷӯёни Тоҷикистон ва Лаҳистон бештар мегардад
ДУШАНБЕ, 21.04.2025. /АМИТ «Ховар»/. То охири соли равон 20 нафар донишҷӯён ва устодони Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд барои табодули академӣ ва таҷрибаомӯзӣ ба Ҷумҳурии Лаҳистон мераванд.
Тавре ба АМИТ «Ховар» аз Донишкадаи политехникии Донишгоҳи техникии Тоҷикистон дар шаҳри Хуҷанд иттилоъ доданд, табодули таҷрибаи устодон ва донишҷӯён дар ҳамкорӣ бо ширкатҳои Green Crops ва Донишгоҳи кишоварзии Лаҳистон (Uniwersytet Rolniczy) амалӣ мегардад.
Ёдовар мешавем, ки 17-18 апрел дар Донишкадаи политехникии Донишгоҳи техникии Тоҷикистон дар шаҳри Хуҷанд бо олимону мутахассисон аз Ҷумҳурии Лаҳистон вохӯрӣ доир шуд. Зимни он ҷонибҳо дурнамои ҳамкориро мавриди баррасӣ қарор доданд.
Ҳамчунин зимни баргузории даври омӯзишӣ барои донишҷӯён ва устодони факултети муҳандисӣ-технологии ин донишкада таҷрибаи муосири Аврупо дар соҳаи муҳандисию аграрӣ фаҳмонида шуд.
АКС: Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
