Туркия аз имзои Шартномаи таърихии сеҷониба ва Эъломияи Хуҷанд доир ба дӯстии абадӣ истиқбол намуд

ДУШАНБЕ, 04.04.2025 /АМИТ «Ховар»/. Ҷумҳурии Туркия дар қатори дигар давлатҳо ва созмонҳои байналмилалӣ имзои санадҳои муҳими таърихӣ – Шартнома байни Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон доир ба нуқтаи пайвастшавии сарҳадҳои давлатии се мамлакат ва Эъломияи Хуҷанд доир ба дӯстии абадиро истиқбол намуд.
Дар изҳороти Туркия, аз ҷумла гуфта шудааст: «Мо аз созишномаи 31 марти соли 2025 миёни Тоҷикистон, Қирғизистон ва Узбекистон дар бораи муайян кардани нуқтаи марзи се кишвар истиқбол мекунем.
Мо итминон дорем, ки ин созишнома ба сулҳу субот ва ҳамкорӣ дар Осиёи Марказӣ мусоидат хоҳад кард».
АКС: Хадамоти матбуоти Президенти Ҷумҳурии Тоҷикистон