Адҳам Мусаллам: «Мо барои ёфтани роҳи ҳал ва пешгирии яке аз мушкилоти ҷаҳонӣ ҷамъ омадаем»
ДУШАНБЕ, 29.05.2025 /АМИТ «Ховар»/. Имрӯз мо барои ёфтани роҳи ҳал ва пешгирии яке аз мушкилоти ҷаҳонӣ-обшавии пиряхҳо ва ҳифзи он, ки он аз ҷониби Президенти Ҷумҳурии Тоҷикистон пешниҳод гардидааст, ҷамъ омадем. Дарёфти роҳи ҳалли ин мушкилот ояндаи ҷаҳонро аз пайомадҳои хавфноки табиат наҷот медиҳад. Ин матлабро Директори Барномаи озуқавории ҷаҳонӣ дар Тоҷикистон Адҳам Мусаллам зимни иштирок дар Форуми кишоварзӣ дар замони талафоти (обшавии) пиряхҳо: мубориза бо хушксолӣ ва обхезӣ тавассути истихроҷи карбон ва устуворӣ дар минтақаҳои вобаста ба пиряхҳо, ки имрӯз дар Душанбе оғоз гардид, иброз намуд.
Адҳам Мусаллам изҳор дошт, ки тағйироти глобалии иқлим ва гармшавии иқлимӣ солҳои охир боиси обшавии пиряхҳо дар қисматҳои гуногуни ҷаҳон шудаанд. «Гармшавии замин ва ҳаво, ки боиси огоҳии бештар дар бораи обшавии пиряхҳо дар хати экватор ва кӯҳистони баландкӯҳ мегардад, метавонад дар оянда барои экосистемаҳои марбут ба пиряхҳо ва манбаъҳои оби нӯшокӣ хатарҳои зиёд ба вуҷуд орад. Обшавии пиряхҳо боиси баландшавии сатҳи баҳр ва сабаби зери об мондани минтақаҳои соҳилӣ мегардад. Ҳамзамон обшавии пиряхҳо сабаби камбуди оби тоза барои кишоварзӣ, таъмини оби ошомиданӣ, таъсир ба экосистемаҳою макони зисти намудҳои гуногуни ҳайвонот ва растаниҳо мегардад»,-гуфт Адҳам Мусаллам.
Иброз гардид, ки пиряхҳо омили нигоҳ доштан ва захира кардани оби нӯшокӣ ва таъмини манбаъҳои муҳим барои экосистемаҳои кӯҳӣ ва растаниҳо мебошанд. Агар пиряхҳо бо суръат об шаванд, ин метавонад сабаби об шудани манбаъҳои об, ҷудо шудани минтақаҳои обӣ ва ҳатто хушкшавии растаниҳою экосистемаҳои марбут ба онҳо гардад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Тоҷикистон барои воридоти смартфонҳо ва телефонҳои мобилӣ 20% боҷи гумрукӣ ҷорӣ менамояд
Маҷаллаи бонуфузи фаронсавӣ «The Investor» шумораи махсуси худро ба Тоҷикистон мебахшад
Душанбе мизбони нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ мегардад
Дар Маркази тадқиқоти стратегӣ масъалаи рушди соҳибкорӣ ва бахши хусусиро баррасӣ намуданд
Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ХУШКМЕВАҲОИ ТОҶИКИСТОН. Имсол аз Тоҷикистон беш аз 41 ҳазор тонна меваи хушк содирот шудааст
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
