Ҳайати Тоҷикистон дар конфронси минтақавии иқлимӣ дар Ашқобод иштирок намуд
ДУШАНБЕ, 14.05.2025 /АМИТ «Ховар»/. Дар остонаи Рӯзи ҷаҳонии иқлим (15 май) дар Ашқобод бо иштироки намояндагони 5 давлати минтақаи Осиёи Марказӣ- иборат аз мутахассисони вазорату идораҳои дахлдор ва коршиносони байналмилалӣ конфронси минтақавӣ оид ба масъалаҳои тағйирёбии иқлим оғоз гардид. Дар ин хусус ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Ин конфронси ҳафтуми минтақавӣ аст. Он ба мавзуи «Ба даст овардани ҳадафи глобалии маблағгузории иқлим тавассути татбиқи тадбирҳои минтақавӣ ва миллӣ дар Осиёи Марказӣ» бахшида шуда, то 15 май идома меёбад.
Дар конфронс муовини Раиси Кумитаи ҳифзи муҳити зисти назди Ҳуқумати Ҷумҳурии Тоҷикистон Лоиқ Раҳмонзода доир ба ҳадафҳои асосии Тоҷикистон, ки ба таъмини рушди устувор бо назардошти мушкилоти иқлимӣ, экологӣ, иҷтимоӣ ва иқтисодӣ нигаронида шудаанд, сухан намуд.
Тоҷикистон ҳамчун давлати ташаббускор доир ба масъалаҳои марбут ба обу иқлим чорабиниҳои зиёдро ба нақша гирифта, амалӣ менамояд. Аз ҷумла, барои ноил шудан ба ҳадафҳои асосӣ Ҷумҳурии Тоҷикистон тасмим гирифтааст, ки ба ҳамгироии тадбирҳои мутобиқшавӣ ба ҳамаи бахшҳои иқтисодиёт, таҳкими дастгирии илмӣ ва институтсионалии сиёсати иқлим ва тавсеаи дастрасӣ ба маблағгузории байналмилалии иқлим ва фароҳам овардани муҳити мусоиди институтсионалӣ таваҷҷуҳ зоҳир намояд.
Ҳамзамон Лоиқ Раҳмонзода доир ба конфронси сатҳи баланд оид ба ҳифзи пиряхҳо, ки 29-31 майи соли 2025 дар Душанбе баргузор мегардад, сухан намуда, ҳозиринро даъват намуд, ки дар ин чорабинии сатҳи баланд иштирок намоянд.
Ёдовар мешавем, ки дар чорабиниҳои канории конфронси Ашқобод мутахассисони вазорату идораҳои ҷумҳурӣ доир ба таҷриба, таҳқиқот ва амалӣ гардидани лоиҳаҳо дар самти мутобиқшавӣ ба тағйирёбии иқлим бо рӯнамо баромад намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
