Ҳамкории Академияи миллии илмҳои Тоҷикистон бо Агентии байналмилалии неруи атомӣ тақвият меёбад

Май 2, 2025 17:00

ДУШАНБЕ, 02.05 2025 /АМИТ «Ховар»/. 1 май президенти Академияи миллии илмҳои Тоҷикистон Қобилҷон Хушвахтзода бо намояндаи Агентии байналмилалии неруи атомӣ хонум Сандра Стейскал Мари мулоқот намуд, хабар медиҳад АМИТ «Ховар» бо истинод ба академия.

Қобилҷон Хушвахтзода ба намояндаи агентӣ иброз дошт, ки «мо аз ҳамкории дарозмуддат бо Шумо шодем ва миннатдории худ ва олимони академияро ба Шумо мерасонем. Зеро чанде қабл Маркази бехатарӣ, амният ва кафолатҳо дар самти химиявӣ, биологӣ, радиатсионӣ ва ядроӣ, ки дар шаҳри Душанбе ҷойгир аст, аз ҷониби Агентии байналмилалии неруи атомӣ ба сифати Маркази ҳамкории минтақавӣ барои Осиёи Марказӣ расман эътироф гардид».

Маркази бехатарӣ, амният ва кафолатҳо дар самти химиявӣ, биологӣ, радиатсионӣ ва ядроӣ бо иштироки Президенти Тоҷикистон муҳтарам Эмомалӣ Раҳмон ба таври расмӣ мавриди истифода қарор дода шуд, ки ин боиси ифтихори аҳли илм аст.

Иброз гардид, ки ҳафтаи қаблӣ сохтмони бинои  филиали Агентии амнияти химиявӣ, биологӣ, радиатсионӣ ва ядроии академия дар вилояти Хатлон оғоз гардид. Он метавонад барои боз ҳам мустаҳкам гардидани кор ва тақвияти он дар минтақа роҳ кушояд. «Мо боварӣ дорем, ки барои ба истифода додани ин бино Агентӣ  ба мо кумак мерасонед. Ҳамчунин омода ҳастем, ки ҳамкориро тақвият бахшида, ташаббусҳои минтақавиро мизбонӣ намоем ва дар татбиқи васеи ҳадафҳои «Атом барои сулҳ ва рушд» саҳм гузорем»,- иброз дошт Қобилҷон Хушвахтзода.

Хонум Сандра Стейскал Мари оид ба ҳамкорӣ ва пешравиҳои ҷониби Тоҷикистон изҳори қаноатмандӣ намуда, гуфт, ки «аз ҳамкорӣ бо Шумо шодам. Дар оянда низ мехоҳам, ки ҳамкориамон рушд ёбад ва дар омоданамоии мутахассисони ҷавон дар самти саратоншиносӣ кӯшишҳои якҷоя ба харҷ диҳем».

АКС: Академияи миллии илмҳои Тоҷикистон

Май 2, 2025 17:00

Хабарҳои дигари ин бахш

Дар Душанбе таҳти унвони «Пиряхҳои Тоҷикистон: зебоӣ ва ҳифзи онҳо» ҳамоиш доир гардид
Таҳти унвони «Тоҷикистон — зодгоҳи орзуҳои ҷавонӣ» барномаи фарҳангӣ-фароғатӣ доир мешавад
Ҷавонони Осиёи Марказӣ ва кишварҳои арабии Халиҷ бо тамаддуни тоҷикон шинос шуданд
Дар Санкт-Петербург коллексияи либосҳои донишҷӯёни Донишкадаи давлатии санъати тасвирӣ ва дизайни Тоҷикистон намоиш дода шуд
Ноҳияи Данғара мизбони Рӯзҳои фарҳанги Ҷумҳурии Озарбойҷон шуд
Нахустин нишасти Муколамаи Тирмиз оид ба робитаҳои мутақобили Осиёи Марказӣ ва Ҷанубӣ баргузор гардид
Дар Академияи миллии илмҳои Тоҷикистон Рӯзи ҷавонон таҷлил гардид
Байни Китобхонаи миллии Тоҷикистон ва Китобхонаи миллии Озарбойҷон Созишнома ба имзо расид
Бахшида ба Конфронси байналмилалии сатҳи баланд оид ба ҳифзи пиряхҳо байни кӯдакону наврасон озмуни расмкашӣ доир гардид
Комрон Бобоев аз Тоҷикистон соҳиби ҷоизаи «Беҳтарин олими ҷавон-2025»-и озмуни байналмилалӣ гардид
Дар Осорхонаи миллии Тоҷикистон намоиши «Мероси миллӣ, дурдонаҳои имрӯзи санъати Озарбойҷон» ифтитоҳ шуд
Байни Консерваторияи миллии Тоҷикистон ва Консерваторияи миллии Озарбойҷон Созишномаи ҳамкорӣ ба имзо расид