Ҳамкории Бонки миллии Тоҷикистон ва Бонки Аврупоии таҷдид ва рушд баррасӣ гардид
ДУШАНБЕ, 20.05.2025 /АМИТ «Ховар»/. Маҷмуи васеи масъалаҳои ҳамкорӣ дар доираи барномаҳои рушди иқтисод барои солҳои 2024-2029 зимни мулоқоти Раиси Бонки миллии Тоҷикистон Фирдавс Толибзода бо муовини директор оид ба стратегияи сиёсати иқтисодии Бонки Аврупоии таҷдид ва рушд Либор Кркоска дар шаҳри Душанбе баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Фирдавс Толибзода аз ҳамкории бисёрсола бо Бонки Аврупоии таҷдид ва рушд ҳамчун шарики боэътимоду устувор изҳори қаноатмандӣ намуда, гуфт, ки тавассути ҳамкории босамар имрӯз дар бахшҳои гуногуни иқтисодӣ, бахусус низоми бонкӣ лоиҳаҳои зиёд амалӣ мешаванд. Татбиқи лоиҳаҳои муштарак имкон дод, ки пешравиҳои назаррас дар самти баланд бардоштани сатҳи идоракунии корпоративӣ, рушди бозори пул ва сармоя, такмили сиёсати пулию қарзӣ ва рушди бахши суғуртаи мамлакат ба даст оянд.
Ҷонибҳо зимни мулоқот доир ба ҳамкорӣ бо мақсади таҳкими иқтидори назорати суғуртавӣ, таҳия ва такмили санадҳои меъёрии ҳуқуқии соҳа, рақамикунонии хизматрасониҳои соҳаи суғурта, гузаронидани чорабиниҳо оид ба саводнокии аҳолӣ дар ин самт, инчунин принсипҳои идоракунии экологӣ, иҷтимоӣ ва корпоративӣ, таҳлили хатарҳои иқлимӣ дар муассисаҳои молиявӣ ва рушди бозори маблағгузории «сабз» суҳбат намуданд.
Таъкид гардид, ки ислоҳоти институтсионалии низоми молиявии «сабз» барои бахши молиявии Ҷумҳурии Тоҷикистон муҳим буда, Ҳукумати Ҷумҳурии Тоҷикистон дар доираи «Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037» ислоҳоти институтсионалиро оид ба ҷалби маблағгузории «сабз» ҳадаф қарор додааст.
Муовини директор оид ба стратегияи сиёсати иқтисодии Бонки Аврупоии таҷдид ва рушд Либор Кркоска ва роҳбари намояндагии Бонки Аврупоии таҷдид ва рушд дар Тоҷикистон Холгер Вифел ҷалби лоиҳаҳо ба рушди бахши хусусӣ, таҳкими устувории низоми молиявӣ, суръат бахшидан ба модернизатсияи иқтисодӣ, ташаккули иқтисодиёти «сабз», тақвияти идоракунии корпоративӣ ва рушди низоми молиявиро аз самтҳои муҳимми дурнамои ҳамкорӣ арзёбӣ намуданд.
АКС: Бонки миллии Тоҷикистон
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
ҚУРБИ АСЪОР: 1 доллари ИМА аз 9.1500 то 9.2174 сомонӣ муқаррар шудааст
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тоҷикистон ва Бонки аврупоии таҷдид ва рушд ҳамкориро дар самти таҳкими низоми молиявию бонкӣ густариш медиҳанд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
