Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
ДУШАНБЕ, 29.05.2025 /АМИТ «Ховар»/. 29 май Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон муовини Дабири кулли Созмони Милали Муттаҳид, котиби иҷроияи Комиссияи иқтисодӣ ва иҷтимоии Созмони Милали Муттаҳид барои Осиё ва Уқёнуси Ором (ЭСКАТО) Армида Салсиаҳ Алишаҳбанаро, ки барои иштирок дар нахустин Конфронси байналмилалии сатҳи баланд оид ба ҳифзи пиряхҳо ба Душанбе ташриф овардааст, ба ҳузур пазируфтанд.
Пас аз мулоқот Армида Салсиаҳ Алишаҳбана иброз дошт, ки хеле хушҳол аст, ки имрӯз бо Президенти Ҷумҳурии Тоҷикистон муҳтарам Эмомалӣ Раҳмон мулоқот намудааст.
«Дар ҷараёни мулоқот миннатдории худро барои ҳамкории тӯлонии судманд байни Ҷумҳурии Тоҷикистон ва Комиссияи иқтисодӣ ва иҷтимоии Созмони Милали Муттаҳид барои Осиё ва Уқёнуси Ором (ЭСКАТО) изҳор намуданд. Хусусан, имсол Тоҷикистон ташаббускор ва ҳомии қабули Қатънома оид ба робитаи об ва тағйирёбии иқлим буд, ки онро ҳамаи кишварҳои аъзо бо итифоқи оро қабул намуданд. Ин қатънома ба ЭСКАТО ваколатҳои бештар медиҳад, то корҳои худро дар самти масъалаҳои марбут ба об, аз ҷумла ҳифзи пиряхҳо, бахусус дар чаҳорчӯби ҳамкории минтақавӣ дар Осиё ва кишварҳои уқёнуси Ором идома дода, тавсеа бахшад», — гуфт Армида Салсиаҳ Алишаҳбана.
Ба андешаи Армида Салсиаҳ Алишаҳбана, Президенти Тоҷикистон муҳтарам Эмомалӣ Раҳмон омодагии Ҳукумати Ҷумҳурии Тоҷикистонро барои мизбонии ҷаласаи омодагии минтақавии Осиёю Уқёнуси Ором барои Конфронси оби Созмони Милали Муттаҳид дар соли 2026 иброз намуданд. «Мо низ омода ҳастем, ки ин ташаббусро ҳамаҷониба дастгирӣ намоем», — таъкид намуд муовини Дабири кулли Созмони Милали Муттаҳид, котиби иҷроияи Комиссияи иқтисодӣ ва иҷтимоии Созмони Милали Муттаҳид барои Осиё ва Уқёнуси Ором (ЭСКАТО) Армида Салсиаҳ Алишоҳбону.
Армида Салсиаҳ Алишаҳбана изҳор дошт, ки дар ҷараёни мулоқот инчунин ба якчанд соҳаҳои муҳим ва афзалиятнок дахл кардем, ки Тоҷикистон дар ҳамкорӣ бо ЭСКАТО аллакай фаъолият мебарад. Аз ҷумла, нақлиёт, тиҷорат, махсусан тиҷорати рақамӣ, энергетика (энергияи устувор ва барқароршаванда), ҳифзи иҷтимоӣ ва маблағгузорӣ барои рушд.
«Яке аз мавзуъҳои муҳим дар бахши маблағгузорӣ барои рушд, ки мо бо Тоҷикистон ҳамкорӣ дорем, ин барориши «бонкҳои сабз» мебошад. Бо назардошти он ки Тоҷикистон давлати дар хушкии амиқ ҷойгиршуда ва дар ҳоли рушд аст, соҳаҳои нақлиёт ва робита низ аз ҷумлаи самтҳои муҳими муҳокимашаванда буданд. Бори дигар мехоҳам миннатдории амиқи худро ба Президенти Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон барои ҳамкории олӣ ва созанда баён намоям», — гуфт дар анҷом Армида Салсиаҳ Алишаҳбана.
АКС: АМИТ «Ховар»
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Тоҷикистон барои ҳифзи пиряхҳо ҷомеаи ҷаҳониро ба андешидани тадбирҳои таъхирнопазири қатъӣ даъват менамояд»
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Президенти Ҷумҳурии Тоҷикистон Эмомалӣ Раҳмон директори иҷроияи Бунёди иқлими сабз Мафалда Дуартеро ба ҳузур пазируфтанд
Сарвари давлат Эмомалӣ Раҳмон Директори генералии ИСЕСКО Салим ал-Моликро ба ҳузур пазируфтанд
Пешвои миллат Эмомалӣ Раҳмон муовини Раиси Шурои машваратии сиёсии мардумии Чин, Раиси Кумитаи СҲШ оид ба ҳамсоягии нек, дӯстӣ ва ҳамкорӣ Шэн Юэюэро ба ҳузур пазируфтанд
Пешвои миллат: «Давлатҳо ва созмонҳои байлналмилалиро зарур аст барои ҳифзи пиряхҳо саҳми молиявии бештар гузоранд»
Шаҳбоз Шариф: «Тағйироти иқлим марзро намешиносад ва вокунишҳо ба он набояд бо марз маҳдуд бошанд»
Ноиби Президенти Бонки Осиёии рушд: «Мо дар ҳалли мушкилоти обшавии пиряхҳо ва ҳифзи захираҳои обӣ кумак менамоем»
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
Президенти Ҷумҳурии Тоҷикистон Эмомалӣ Раҳмон дар нахустин Конфронси байналмилалии сатҳи баланд оид ба ҳифзи пиряхҳо иштирок намуданд
Президенти Тоҷикистон: «Соли 2023 бузургтарин коҳиши солонаи ҳаҷми пиряхҳо ба қайд гирифта шуда, дар натиҷа 600 гигатонна оби ошомиданӣ талаф ёфт»
