Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
ДУШАНБЕ, 21.05.2025. /АМИТ «Ховар»/. Дар ҳошияи таҷлили Рӯзи ҷавонони Тоҷикистон ва бо мақсади иҷрои Фармони Президенти Ҷумҳурии Тоҷикистон аз 18 марти соли 2024 барои омӯзиши ҳатмии забонҳои хориҷӣ (русӣ, англисӣ ва ё забонҳои дигар) аз ҷониби Маркази таҳлилӣ-иттилоотии назди Сарраёсати маорифи шаҳри Душанбе замимаи мобилии «Забондон» таҳия шуда, мавриди истифода қарор дода шуд. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Замимаи мобилии «Забондон» бо интерфейси (намунаи) тоҷикӣ пешниҳод шуда, яке аз навовариҳои муҳим дар соҳаи таълими забонҳои хориҷӣ маҳсуб мешавад. Ин барнома ба истифодабарандагони тоҷик имконият медиҳад, ки тавассути дастгоҳҳои мобилии худ забони англисиро ба таври мустақил ва бо усулҳои интерактивӣ омӯзанд.
Ҳадаф аз пешниҳоди он осон ва самаранок кардани раванди омӯзиши забони англисӣ мебошад. Барнома бо истифода аз технологияҳои муосир имконият медиҳад, ки истифодабарандагон малакаи забондонияшонро тақвият бахшанд. Ин ташаббус дар раванди ҷаҳонишавӣ ва ҳамгироии байналмилалии Тоҷикистон нақши муҳим бозида, ба рушди сатҳи маърифатнокии ҷомеа мусоидат менамояд.
Барномаи «Забондон» қадами муҳим дар самти рақамикунонии таҳсил ва истифодаи технологияҳои навин дар омӯзиши забонҳои хориҷӣ ба шумор меравад. Бо такя ба имконоти ин барнома истифодабарандагон метавонанд раванди забономӯзияшонро самаранок ва шавқовар гардонанд.
Ташаккули ин замимаи мобилӣ таҳти назорати Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» буда, ҷойгир намудани замима дар App Store низ ба нақша гирифта шудааст.
Барои истифодаи замимаи мобилӣ дар Play Market калимаи Забондонро ҳуруфчинӣ намуда, барномаро дар дастгоҳҳои мобилӣ бояд зеркашӣ намуд.
Пайванди замимаи мобилии «Забондон» дар Google Play чунин аст: https://play.google.com/store/apps/details?id=tj.app.zabonomuz.english&hl=ru
АКС: Маркази таҳлилӣ-иттилоотии назди Сарраёсати маорифи шаҳри Душанбе
Забони тоҷикӣ шиносномаи миллат, руҳи поки гузаштагон ва оинаи осори ниёгон аст
ДАСТГИРИИ ОМӮЗГОРОН. Маоши вазифавии кормандони муассисаҳои томактабӣ ва таҳсилоти миёнаи умумӣ 30 фоиз зиёд гардид
«ОМӮЗГОРӢ — КАСБИ ПУРИФТИХОР». Дар шаҳри Хуҷанд Рӯзи омӯзгорон таҷлил карда шуд
ТАВСИЯИ МУТАХАССИС. Фарзанди шумо ба синфи якум рафт. Чӣ тавр бояд ба ӯ кумак расонд?
«ОМӮЗГОР — ЧАРОҒИ МАЪРИФАТ ВА СУТУНИ ҶОМЕА». Дар шаҳри Кӯлоб Рӯзи омӯзгоронро таҷлил намуданд
Дар Душанбе Рӯзи омӯзгорон дар сатҳи баланд таҷлил карда шуд
Ба ифтихори Рӯзи забони давлатӣ дар Академияи идоракунии давлатӣ конференсияи ҷумҳуриявии илмию назариявӣ доир шуд
Ба 636 нафар кормандони соҳаи маориф ва омӯзгорони фаъоли Тоҷикистон мукофотҳои давлатӣ ва унвонҳои соҳавӣ дода мешавад
Бо иқдоми Раиси шаҳри Душанбе ба 193 нафар мураббиёну омӯзгорони пойтахт мукофотпулӣ дар ҳаҷми 3000 ҳазор сомонӣ дода мешавад
Бахшида ба Рӯзи забони давлатӣ дар Донишгоҳи давлатии Кӯлоб конфронси ҷумҳуриявӣ доир шуд
Арҷгузорӣ ба омӯзгор ва забон омили таҳкими ҳувияти миллӣ мебошад
ЗАБОНИ ТОҶИКӢ — ЗАБОНИ ШИРИНУ ШОИРОНА. Эҳдо ба Рӯзи забони давлатии Ҷумҳурии Тоҷикистон
