Дар Донишгоҳи давлатии Кӯлоб оид ба таъсири интернет ва расонаҳои рақамӣ конфронс доир шуд
ДУШАНБЕ, 05.05.2025. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони «Таъсири интернет ва расонаҳои рақамӣ дар мусоидат ба таърихи воситаҳои ахбори омма ва омӯзиш дар замони муосир» конференсияи ҷумҳуриявии илмӣ-назариявӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Иброз гардид, ки дар асри XXI, ки онро асри иттилоот ва технологияи рақамӣ меноманд, ҷаҳон шоҳиди тағйироти амиқ ва фарогир дар тамоми соҳаҳо, аз ҷумла иттилоот, муносибатҳои иҷтимоӣ, фарҳанг ва таҳсилот гардидааст. Технологияҳои рақамӣ ва интернет ҳамчун «инқилоби рақамӣ» дар рушди ҷомеа, интишори иттилоот, тағйироти афкори умум ва шаклгирии муҳтавои таълимӣ дар замони муосир нақши басе муҳим иҷро менамоянд.
«Омӯзиш ва таҳқиқи таъсири онҳо, инчунин нақши ин воситаҳо дар рушд ва таърихи воситаҳои ахбори омма дар замони муосир масъалаи муҳим ва зарурии илмӣ аст, ки бояд дар доираи конференсияҳои илмӣ ва таҳқиқоти олии муассисаҳои илмӣ мавриди таҳлилу баррасӣ қарор дода шавад», — баён шуд дар конфронс.
Ҳукумати Ҷумҳурии Тоҷикистон бо дарки аҳамияти рушди ин соҳа ва бо ахбори муътамаду қобили эътимод фаро гирифтани мардум барои беҳтар кардани инфрасохтори интернет ва таҳкими фарҳанги иттилоотӣ дар ҷомеа чораҳои заруриро амалӣ менамояд.
Иҷрои сиёсати давлатии ҷумҳурӣ дар заминаи рушди интернет ва расонаҳои рақамӣ дар доираи барномаҳои мукаммалу густурда ба таҳкими таърихи воситаҳои ахбори омма ва таълим дар замони муосир равона мегардад.
Ташкили чунин конфронсҳо, ки барои мубодилаи дониш ва маълумот дар бораи таъсири интернет ва расонаҳои рақамӣ дар таърихи воситаҳои ахбори омма ва омӯзиш имконият фароҳам меоранд, метавонад марҳилаи муҳим дар рушди илм ва амалиёти ин соҳа дар Тоҷикистон бошад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
