Дар Донишкадаи давлатии санъати тасвирӣ ва дизайн Фестивали мӯд-2025 баргузор шуд
ДУШАНБЕ, 12.05.2025 /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон таҳти унвони «Аз Наврӯз то Наврӯз» Фестивали мӯд-2025 баргузор шуд, хабар доданд ба АМИТ «Ховар» аз ин донишкада.
Аз ҷониби донишҷӯён коллексияҳои беҳтарини либосҳои занона ва мардонаи муаллифию гурӯҳӣ пешниҳод шуданд, ки дар ҳар яки он унсурҳои миллӣ бо нозукии хосса дарҷ гардида буд. Дар намунаҳои либосҳои офаридаи донишҷӯён матоъҳои рангоранги миллӣ бо услуби замонавӣ истифода ва аз ҷониби иштирокдорон хуб пазируфта шуд.
Фестивали мӯд дар донишкада ҳамасола бо ташаббуси кафедраи тарҳрезии бадеии либос бо мақсади фароҳам овардани шароити мусоид барои таблиғ ва татбиқи неруи эҷодии ҷавонон дар самти санъати тасвирӣ ва дизайн гузаронида мешавад. Ва он имтиҳонест, ки донишҷӯёни маҳсули эҷодии худро ба устодону меҳмонон ва ҳаводорони олами зебоӣ ва эҷод пешкаш менамоянд.
Иброз гардид, ки либоси миллӣ яке аз нишонаҳои асосии фарҳангу тамаддуни халқи тоҷик буда, таҷассумгари расму оин, нишони зебоипарастӣ ва ифтихори миллат аст. Мояи ифтихор аст, ки яке аз либосҳои миллии тоҷиконаи мо- гулдӯзии чакан ба номинатсияи мероси фарҳангии созмони ЮНЕСКО ворид гардид. Чакан ва чакандӯзӣ ҳунари мардуми тоҷик буда, дар он фалсафаи либос ва ашёи дигари рӯзгор истифода мешавад. Дар пироҳанҳои чакан нақши нигори миллӣ, аз ҷумла офтобу косагул бештар гулдӯзӣ мешаванд, ки он аз таърихи куҳан доштани чакани тоҷикон шаҳодат медиҳад.
Дар фарҷом иштирокчиёни фестивал аз ҷониби Раёсати донишкада барои иштироки фаъолона ва пешниҳоди беҳтарин коллексияҳои эҷоднамудаашон бо Диплом, Ифтихорнома, Сипоснома ва туҳфаҳои хотиравӣ сарфароз гардонида шуданд.
АКС: Донишкадаи давлатии санъати тасвирӣ ва дизайни Тоҷикистон
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
