Дар Конфронси байналмилалии сатҳи баланд оид ба ҳифзи пиряхҳо кадом санадҳо ба имзо мерасанд?
ДУШАНБЕ, 21.05.2025 /АМИТ «Ховар»/. Дар ҳошияи Конфронси байналмилалии сатҳи баланд оид ба ҳифзи пиряхҳо, ки 29-31 май дар Душанбе баргузор мегардад, якчанд санадҳои муҳим имзо хоҳанд шуд. Дар ин хусус 20 май дар брифинг барои рӯзноманигорон, ки дар Вазорати корҳои хориҷии Тоҷикистон доир гардид, иттилоъ дода шуд, хабар медиҳад мухбири АМИТ «Ховар».
Аз ҷумла, Эъломияи Душанбе дар бораи пиряхҳо, даъвати ҷаҳонии иштирокдорони конфронс барои ҳифзи пиряхҳо ва ҳалли мушкилоти бузурги марбут ба обшавии онҳо ва хулосаи ҳамраис – гузориши пурра дар бораи кори конфронс. Илова бар ин, Муроҷиат оид ба пиряхҳои Душанбе ҳамчун даъват ба амал – маҷмуи ташаббусҳо, шарикӣ ва уҳдадориҳо, аз ҷумла уҳдадориҳои нави молиявӣ ба Фонди боварии Соли байналмилалии пиряхҳо, ки дар ҷаласаҳои конфронс ва форумҳо эълон мегарданд, омода карда мешавад.
Нусхаҳои ниҳоии санадҳои натиҷавӣ дар саҳифаи интернетии конфронс ҷойгир кунонида шуда, ба таври васеъ паҳн карда мешаванд. Ин натиҷаҳо дар форумҳои дахлдор давоми соли 2025, аз ҷумла дар Форуми сиёсии сатҳи баланди Созмони Милали Муттаҳид оид ба рушди устувор, Ҳафтаи иқлими Созмони Милали Муттаҳид ва COP30 пешниҳод карда мешаванд. Онҳо инчунин метавонанд дар равандҳои дигар, аз ҷумла Конфронси дарпешистодаи оби Созмони Милали Муттаҳид дар соли 2026 саҳм гузоранд.
Конфронси байналмилалии сатҳи баланд оид ба ҳифзи пиряхҳо дар чаҳорчӯби Соли байналмилалии ҳифзи пиряхҳо, ки аз ҷониби Созмони Милали Муттаҳид бо ташаббуси Президенти Ҷумҳурии Тоҷикистон Эмомалӣ Раҳмон эълон шуда, аз ҷониби зиёда аз 150 кишвари аъзои Созмони Милали Муттаҳид дар иҷлосияи 77-уми Маҷмаи Умумии Созмони Милали Муттаҳид моҳи декабри соли 2022 дастгирӣ ёфт, баргузор мегардад.
Марзия САИДЗОДА,
АМИТ «Ховар»
АКС: АМИТ «Ховар»
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Вазоратҳои корҳои хориҷии Тоҷикистону Алҷазоир ҳамкориро дар самти бозомӯзии дипломатҳо тақвият мебахшанд
Ҳайати Тоҷикистон дар Конфронси байналмилалии шаҳрҳои дӯстии Чин – 2026 иштирок намуд
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
Сафири Тоҷикистон бо Вазири саноати Алҷазоир мулоқот намуд
Фаррух Шарифзода бо Дабири кулли қолаби «Осиёи Марказӣ – Чин» Сун Вэйдун мулоқот намуд
Ҳамкории Тоҷикистон ва Кувайт дар соҳаи фарҳанг баррасӣ гардид
Дар Пекин масъалаҳои муҳими ҳамкории Тоҷикистон ва Чин баррасӣ гардид
