DUSHANBE GRAND SLAM 2025. Имрӯз ҷудочиён аз рӯи 5 вазн қувва меозмоянд

ДУШАНБЕ, 02.05.2025 /АМИТ «Ховар»/. Имрӯз, 2 май дар пойтахти Ҷумҳурии Тоҷикистон — шаҳри Душанбе дар Қасри теннис ва маҷмааи варзишҳои обӣ Мусобиқаи байналмилалии ҷудо «Dushanbe Grand Slam 2025» оғоз мегардад, хабар медиҳад АМИТ «Ховар».

Дар рӯзи якуми мусобиқа  варзишгарон аз рӯи 5 вазн:  — 48 кг, -52 кг, -57 кг байни занон ва -60 кг ва -66 кг байни мардон қувва меозмоянд.

Аз Тоҷикистон дар ин рӯз 14 ҷудочӣ иштирок менамояд.

Байни мардон

Вазни -60 кг: Муҳаммадсолеҳ Қувватов, Лоиқ Қутбиддинов, Меҳрзод Суфиев ва Ҳақдод Гулов.

Вазни -66 кг: Обид Ҷебов, Эҳсон Сафарзода, Эмомалии Нуралӣ ва Ёсин Бобокалонов.

Байни занон

Вазни -48 кг: Аҳлия Муминова.

Вазни -52 кг: Насиба Карликова, Зуҳал Ҷумаева ва Мадина Қурбонзода.

Вазни -57 кг:  Александра Кан ва Раҳмия Ҳанҷарбекова

Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн байни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро сарфароз мегарданд.

Дар «Dushanbe Grand Slam- 2025» 226 варзишгар, ки 123 мард ва 103 зан мебошанд ва 27 давлати ҷаҳону 4 қитъаи оламро намояндагӣ менамоянд, иштирок доранд.

АКС: АМИТ «Ховар»