Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд
ДУШАНБЕ, 21.05.2025. /АМИТ «Ховар»/. Бо мақсади тақвияти робитаҳои байналмилалӣ дар соҳаи маориф ва ҷалби довталабон ба муассисаҳои таҳсилоти олӣ байни Муассисаи давлатии «Маркази барномаҳои байналмилалӣ» ва Донишгоҳи давлатии Қабардину Балқар ба номи Х.М. Бербеков шартномаи нави ҳамкорӣ ба имзо расид. Дар ин хусус ба АМИТ «Ховар» аз Маркази барномаҳои байналмилалӣ хабар доданд.
Зимни ба имзо расонидани шарнома директори Маркази барномаҳои байналмилалӣ Рамазон Одиназода ва ноиби ректор оид ба корҳои байналмилалии Донишгоҳи давлатии Қабардину Балқар Албина Виндижева мақсади асосии ин санадро таҳкими ҳамкории судманд дар самти ҷалби донишҷӯён аз Тоҷикистон барои таҳсил дар Донишгоҳи давлатии Қабардину Балқар ба номи Х.М. Бербеков ва баланд бардоштани сатҳи омодагии онҳо тибқи меъёрҳои байналмилалии таълим арзёбӣ намуданд.
Ин шартнома ба густариши имконоти таълимӣ барои ҷавонони тоҷик, ҳамзамон рушди равобити илмӣ-академӣ байни муассисаҳои таълимии Тоҷикистону Федератсияи Русия мусоидат менамояд.
Ёдовар мешавем, ки Донишгоҳи давлатии Қабардину Балқар ба номи Х.М. Бербеков яке аз донишгоҳҳои бонуфузи Федератсияи Русия ба ҳисоб рафта, бо таърихи ғанӣ ва таҷрибаи бойи омодасозии кадрҳои баландихтисос дар самтҳои гуногуни илм шинохта шудааст.
АКС: Маркази барномаҳои байналмилалӣ
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
