Академияи идоракунии давлатии Тоҷикистон ва Академияи таърихи Чин робитаҳои илмӣ ва фарҳангиро густариш медиҳанд
ДУШАНБЕ, 01.06.2025 /АМИТ «Ховар»/. Дар доираи сафари расмӣ ба Ҷумҳурии Тоҷикистон ҳайати Академияи таърихи Ҷумҳурии Мардумии Чин таҳти роҳбарии ноиби президенти академия Ли Госян ба Академияи идоракунии давлатии назди Президенти Ҷумҳурии Тоҷикистон ташриф оварданд.
Тавре АМИТ «Ховар» бо истинод ба Академияи идоракунии давлатӣ хабар медиҳад, меҳмонон бо фаъолияти Донишкадаи такмили ихтисос ва бозомӯзии хизматчиёни давлатӣ, Маркази омӯзиши «Мактаби давлатдории Эмомалӣ Раҳмон», Маркази дӯстӣ ва ҳамкории Созмони ҳамкории Шанхай дар Ҷумҳурии Тоҷикистон, Маркази омӯзишӣ ва дастгирии занони роҳбарикунанда ва болаёқат, Парки технологӣ ва синфхонаҳои таълимии академия шинос шуданд.
Зимни мулоқоти роҳбарияти академия бо ҳайати меҳмонон масъалаҳои муҳим ва дурнамои ҳамкории мутақобил мавриди баррасӣ қарор гирифт. Ҷонибҳо аҳамияти рушди лоиҳаҳои муштараки илмӣ, мубодилаи дониш ва таҷриба, ташкили ҳамоишу конфронсҳои байналмилалӣ ва таҳкими робитаҳои устувори илмӣ ва фарҳангиро таъкид намуданд.
Иброз гардид, ки муносибатҳои дӯстона байни Тоҷикистон ва Чин, ки бар пояи эҳтироми мутақобил ва арзишҳои умумии тамаддунӣ асос ёфтаанд, метавонанд ба сатҳи нави ҳамгироии илмӣ ва таҳқиқотӣ бардошта шаванд. Ҷонибҳо саҳми арзишманди халқи тоҷикро дар рушди илму маърифат ва эҳёи Роҳи бузурги Абрешим таъкид намуда, густариши бештари равобити стратегиро баён доштанд.
АКС: Академияи идоракунии давлатии назди Президенти Ҷумҳурии Тоҷикистон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
