Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
ДУШАНБЕ, 10.06.2025 /АМИТ «Ховар»/. 10 июн дар Донишгоҳи байналмилалии сайёҳӣ ва соҳибкории Тоҷикистон мизи мудаввари илмӣ-амалӣ бахшида ба оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баргузор гардид.
Тавре ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон хабар доданд, ҳадафи асосии ҳамоиш ҳамовозӣ ба ташаббуси навбатии ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва дастгирии ҷараёни ҷаҳонии ҳифзи криосфера ба ҳайси як самти калидии сиёсати иқлимии башарӣ мебошад.
Дар мизи мудаввар намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон, Маркази омӯзиши пиряхҳои Академияи миллии илмҳои Тоҷикистон, раёсати донишгоҳ, олимону коршиносон, инчунин кормандони воситаҳои ахбори омма иштирок намуданд.
Муовини якуми ректори Донишгоҳи байналмилалии сайёҳӣ ва соҳибкории Тоҷикистон Мирзоҳид Раҳимов таъкид намуд, ки бо ташаббуси Ҷумҳурии Тоҷикистон дар ҳамкорӣ бо Ҷумҳурии Фаронса ин даҳсолаи илмии криосферӣ эълон карда шуд ва он дастоварди назарраси навбатӣ дар арсаи дипломатияи обу иқлим гардид.
Дар идома иштиродорон доир ба мавзуъҳои «натиҷаҳои Конфронси байналмилалии сатҳи баланд оид ба ҳифзи пиряхҳо», «нақши илмҳои яхшиносӣ дар таҳкими амнияти обӣ ва экосистемаи минтақавӣ», «пайомадҳои обшавии пиряхҳо ва зарурати мониторинги дақиқ» ва «Тоҷикистон дар маркази дипломатияи сабзи ҷаҳон: оғози Даҳсолаи илмҳои криосферӣ ҳамчун саҳми стратегии кишвар дар ҳалли мушкилоти иқлимӣ» маърӯза намуданд.
Дар ҷараёни ҳамоиш зарурати таҳкими тадқиқоти криосферӣ, таъсиси Маркази ҳамоҳангсозии минтақавӣ оид ба илмҳои яхшиносӣ дар шаҳри Душанбе, рушди ҳамкории байналмилалӣ ва минтақавӣ, ҷалби ҷавонон ба омӯзиши илмҳои иқлимию яхшиносӣ ва воридсозии фанҳои марбут ба иқлим, муҳити зист ва пиряхҳо ба барномаҳои таълимӣ баррасӣ гардид.
АКС: Донишгоҳи байналмилалии сайёҳӣ ва соҳибкории Тоҷикистон
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Бахшида ба он «Муколамаи иқлимӣ барои ҷавонон» доир гардид
