«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
ДУШАНБЕ, 19.06.2025. /АМИТ «Ховар»/. Аз 19 то 20 июн дар ноҳияи Нуробод Ҳамоиши хизматчиёни ҳарбӣ таҳти унвони «Хизмат ба Ватан шараф аст!» баргузор мешавад.Ин чорабинӣ бо мақсади иҷрои Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамбастагӣ бо Мақомоти иҷроияи ҳокимияти давлатии ноҳияи Нуробод доир мегардад. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Дар ҳамоиш 60 нафар афсарону сарбозони мақомотҳои қудратӣ ва ҷавонони фаъоли ҷумҳурӣ иштирок намуда, дар идомаи ҳамоиш конференсия, чорабиниҳои фарҳангӣ-фароғатӣ, шоми ҷавонӣ, экскурсия, мусобиқаҳои гуногуни варзишӣ, шиносоӣ бо ҷойҳои таърихӣ ва сайёҳӣ доир карда мешавад.
Имрӯз Раиси Кумитаи кор бо ҷавонон ва варзиш Зулфиқор Гулаҳмадзода бо иштирокчиёни конференсия қабл аз сафар намудан ба ин ноҳия вохӯрӣ намуд.
Иброз гардид, ки мақсад аз баргузор намудани ҳамоиш баланд бардоштани ҳисси ватандӯстии шаҳрвандон, ҳавасмандкунии сарбозони дар сафи Қувваҳои Мусаллаҳ хизмат карда истода, бедор намудани ҳуввияти ватандорӣ байни ҷавонону наврасон ва тарбия намудани насли меҳанпарасту хештаншинос мебошад.
Таъкид гардид, ки хизмат ба Ватан шараф аст, ин Ватанро дӯст ва ҳар порча хоки онро пост доштан қарзи фарзандии ҳар як ҷавонмарди тоҷик аст.
«Барои ҳар як фарди хештаншиносу ватанпарвар арзишҳои милливу давлатӣ ва ҳифзи манфиатҳои давлат аз ҳама гуна манфиатҳои дигар муҳим буда, танҳо шахси ватандӯст метавонад дилсӯзона ва бо тамоми ҳастӣ ҳифзи амният ва ободии Ватани худро таъмин намояд», -афзуд Раиси Кумита.
Ёдовар мешавем, ки дар шароити муосир масъалаи ташаккули тарбияи ватандӯстии шаҳрвандон, хусусан ҷавонон ва насли наврас яке аз афзалияти сиёсати давлатӣ ба ҳисоб рафта, барои рушду тараққиёти соҳаҳои алоҳидаи ҷомеа заминаи мусоид фароҳам меорад. Тарбияи ватандӯстӣ боиси рушди соҳаҳои алоҳидаи мамлакат гардида, дар ҳифзи марзу бум, тамомияти арзии мамлакат ва таъмини сулҳу осоиштагӣ нақши асосӣ мегузорад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
