КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Имрӯз дар Сафеддара «Eco-Run For Glacier» доир мешавад
ДУШАНБЕ, 01.06.2025 /АМИТ «Ховар»/. Дар доираи Конфронси байналмилалии сатҳи баланд оид ба ҳифзи пиряхҳо имрӯз, 1 июн дар Маҷмааи лижаронии Сафеддара «Eco-Run For Glacier»/«Эко-пойга барои пиряхҳо»/ баргузор мегардад, хабар медиҳад АМИТ «Ховар» бо истинод ба котиботи конфронс.
Ҳадафи пойгаи экологӣ ҷалби таваҷҷуҳи ҷомеа ба масъалаҳои тағйирёбии иқлим, ҳифзи муҳити зист ва обшавии босуръати пиряхҳо мебошад, ки барои захираҳои обии Тоҷикистон ва дар маҷмуъ минтақа аҳамияти хосса доранд.
Дар мусобиқа меҳмони махсус: Каролин Глайх- фаъоли машҳури иқлим ва лижарони касбӣ дар ҷаҳон иштирок менамояд. Мусобиқа дар мавзеъҳои зебоманзари Сафеддара, воқеъ дар километри 50-уми Душанбе, дар баландии 1600 метр аз сатҳи баҳр гузаронида мешавад. Иштирокчиёни мусобиқаро ҳавои тозаи кӯҳсор, нурҳои дурахшони Офтоб ва манзараҳои дилфиреби табиати кӯҳистони Тоҷикистон интизоранд.
Мусобиқа дар чунин марҳилаҳо гузаронида мешавад:
Challenge Mountain — 5 км: масир бо баландшавӣ аз 2200 метр то 2900 метр.
Экиден (эстафета) — 5 км: даста иборат аз 4 нафар, ки ба ҳар кадоми онҳо 1250-метрӣ рост меояд.
Масири яхбандӣ — 1600 метр: масири ҳамвор дар баландии 2200 метр. Чорабинӣ 7-8 соат давом намуда, аз оғоз, маросими ҷоизасупорӣ ва хӯроки нисфирӯзӣ дар ҳавои тоза иборат мебошад. Мусобиқа барои ҳама кушода аст, аммо иштирокчиён бояд дар ҳолати хуби ҷисмонӣ бошанд ва пеш аз баргузории чорабинӣ дар бораи масъулияти шахсӣ санад имзо намоянд.
Макони вохӯрии иштирокчиёни «Eco-Run For Glacier»- пойгаи экологӣ барои пирях 1 июн, соати 07:00 дар майдони назди Театри давлатии академии опера ва балети Тоҷикистон ба номи Садриддин Айнӣ дар шаҳри Душанбе муайян карда шудааст.
Созмондиҳандагон таъкид менамоянд, ки баргузории пойга дар чаҳорчӯби конфронс аҳамияти муҳими рамзӣ дошта, ба муттаҳид намудани талошҳои ҷомеаи ҷаҳонӣ доир ба масъалаҳои ҳифзи пиряхҳо ва рушди устувори манотиқи кӯҳистон нигаронида шудааст.
АКС: Котиботи Конфронси байналмилалии сатҳи баланд оид ба ҳифзи пиряхҳо
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
