Пешниҳоди Тоҷикистон ва Фаронса оид ба эълони солҳои 2025-2034 ҳамчун «Даҳсолаи амал барои илмҳои криосферӣ» аз ҷониби ҷомеаи ҷаҳонӣ дастгирӣ ёфт
ДУШАНБЕ, 09.06.2025. /АМИТ «Ховар»/. Пешниҳоди Тоҷикистону Фаронса оид ба эълони солҳои 2025-2034 ҳамчун «Даҳсолаи амал барои илмҳои криосферӣ» аз ҷониби ҷомеаи ҷаҳонӣ дастгирӣ ёфт. Ин матлаб зимни суханронии Президенти Ҷумҳурии Тоҷикистон муҳтарам Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034, ки 8 июн дар шаҳри Нитсаи Фаронса баргузор шуд, баён гардид.
Ба таъкиди Сарвари давлат муҳтарам Эмомалӣ Раҳмон, қабули қатъномаи Маҷмаи Умумии Созмони Милали Муттаҳид дар ин хусус аҳаммияти ҳифзи пиряхҳо ва тақвияти илму таҳқиқотро дар соҳаи криосфера ба таври возеҳ тасдиқ кард.
Президенти Тоҷикистон иброз доштанд, ки то 60 фоизи пиряхҳои Осиёи Марказӣ дар кӯҳсори Тоҷикистон воқеъ буда, дар рушди ҳамаи соҳаҳо ва ояндаи устувори минтақа нақши асосӣ мебозанд.
Сарвари давлат аз раванди ташвишовари обшавии босуръати пиряхҳо ва паёмадҳои харобиовари он ёдовар шуда, изҳор доштанд, ки оқибатҳои ин раванд ба иқтисодиёт ва экосистемаҳои кишварҳо зарари калон расонида, ба ҳаёти одамон таҳдид менамоянд.
Тадбирҳои мушаххаси андешидаи Тоҷикистон дар самти ҳалли масъалаҳои тағйирёбии иқлим ва нигоҳ доштани устувории муҳити зистро таъкид намуда, Пешвои миллат иброз доштанд, ки ҷумҳурии мо тайи 20 соли охир дар арсаи ҷаҳонӣ рӯзномаи обу иқлимро бо муваффақият пеш мебарад.
«Ташаббусҳои мо дар самти обу иқлим аз тарафи ҷомеаи ҷаҳонӣ тавассути 14 қатъномаи Маҷмаи Умумии Созмони Милали Муттаҳид ҷонибдорӣ ёфта, мавриди татбиқ қарор гирифтаанд», — изҳор доштанд Роҳбари давлат муҳтарам Эмомалӣ Раҳмон.
АКС: Хадамоти матбуоти Президенти Ҷумҳурии Тоҷикистон
Дар Душанбе аввалин Муколамаи стратегӣ дар сатҳи вазирони корҳои хориҷии Тоҷикистону Чин баргузор гардид
Дурнамои рушди муносибатҳои Тоҷикистону Туркманистон дар соҳаҳои молияю бонк ва сармоягузорӣ баррасӣ гардид
Шараф Шерализода бо Директори иҷроияи Маркази ҷануб мулоқот намуд
Дар Брюссел мулоқоти вазирони корҳои хориҷии Тоҷикистон ва Кипр баргузор гардид
Дар Брюссел ҷаласаи 11-уми Шурои ҳамкории Тоҷикистон — Иттиҳоди Аврупо доир шуд
Сироҷиддин Муҳриддин бо роҳбарияти Иттиҳоди Аврупо ҳамкории дуҷонибаро баррасӣ намуд
Намояндаи Тоҷикистон дар ҷаласаи Ташаббуси СММ 80 иштирок намуд
Сафири Тоҷикистон бо вазири Девони амирии Давлати Кувайт вохӯрӣ намуд
COP30. Дар Бразилия саҳми Тоҷикистон дар Соли байналмилалии ҳифзи пиряхҳо таъкид гардид
Директори Маркази тадқиқоти стратегӣ дар Симпозиуми байналмилалӣ иштирок намуд
Дар Женева роҳҳои пешгирии зарар ба соҳаи кишоварзӣ аз офатҳои табиӣ баррасӣ гардид
Дар Брюссел ҳамкории фарогири Тоҷикистону Иттиҳоди Аврупо дар мавзуъҳои таҳкими марз баррасӣ шуд
