15-18 июл дар Тоҷикистон Мактаби тобистонаи таълими ҳуқуқи инсон баргузор мегардад

Июль 14, 2025 21:38

ДУШАНБЕ, 14.07.2025 /АМИТ «Ховар»/. Аз 15 то 18 июли соли 2025 дар Маркази таълимии Бонки миллии Тоҷикистон Мактаби тобистонаи таълими ҳуқуқи инсон барои ҷавонон баргузор мегардад. Чорабинӣ дар доираи раёсати Тоҷикистон дар Иттиҳоди Давлатҳои Мустақил (ИДМ) дар соли 2025 ва бо ташаббуси мақомоти Ваколатдор оид ба ҳуқуқи инсон дар Ҷумҳурии Тоҷикистон доир карда мешавад.

Тавре ба АМИТ «Ховар» аз хадамоти матбуотии Ваколатдор иттилоъ доданд, ин ҳамоиш дар доираи амалисозии Барномаи таълим дар соҳаи ҳуқуқи инсон барои солҳои 2022-2026 маротибаи сеюм баргузор гардида, дар кори он ҷавонони фаъол, хизматчиёни давлатӣ, магистрон, донишҷӯён ва олимони ҷавон иштирок менамоянд.

Машғулиятҳои назариявӣ ва амалӣ дар доираи Мактаби тобистона ба масъалаҳои муҳими ҳуқуқи инсон, аз ҷумла ташаббусҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти эҳтиром ва риояи ҳуқуқу озодиҳои инсон, дастовардҳои Тоҷикистон дар ин самт, механизмҳои миллӣ ва байналмилаллии ҳифзи ҳуқуқи инсон, ҳамкории субъектони масъул, баъзе масъалаҳои пешгирии ҳуқуқвайронкунӣ ва ҷиноят дар байни ҷавонон ва дигар масъалаҳо бахшида мешаванд.

Бори аввал имсол дар асоси Нақшаи кори Комиссияи ҳуқуқи инсони Иттиҳоди Давлатҳои Мустақил барои солҳои 2024–2025, намояндагони кишварҳои узви Комиссияи ҳуқуқи инсони Иттиҳод низ ба чорабинӣ даъват шудаанд.

Ёдовар мешавем, ки Комиссия ҳамчун мақоми машваратии Иттиҳоди Давлатҳои Мустақил оид ба ҳуқуқи инсон таъсис ёфта, Низомномаи он бо Қарори Шурои сарони давлатҳои Иттиҳоди Давлатҳои Мустақил 14 октябри соли 2022 тасдиқ гардидааст. Ба ҳайати он намояндагони Арманистон, Беларус, Қазоқистон, Қирғизистон, Русия, Тоҷикистон ва Узбекистон шомил мебошанд.

Тавре иттилоъ дода мешавад, Ваколатдор оид ба ҳуқуқи инсон дар Ҷумҳурии Тоҷикистон минбаъд низ ташкили чорабиниҳои иттилоотию маърифатиро тақвият бахшида, ҷиҳати баланд бардоштани маърифати ҳуқуқии ҷомеа, бахусус ҷавонон, талош хоҳад варзид.

АКС аз бойгонӣ

Июль 14, 2025 21:38

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд