Байни Литсейи №2-и барои хонандагони болаёқати шаҳри Душанбе ва Мактаби байналмилалии «Paragon» Шартномаи ҳамкорӣ ба тасвиб расид
ДУШАНБЕ, 23.07.2025. /АМИТ «Ховар»/. Дар доираи Олимпиадаи байналмилалии «IKO – 2025» аз фанҳои математика ва забони англисӣ, ки 21 июл дар шаҳри Пномпени Шоҳигарии Камбоҷа оғоз гардид, байни Литсейи №2-и барои хонандагони болаёқати шаҳри Душанбе ва Мактаби байналмилалии «Paragon» Шартномаи ҳамкорӣ ба тасвиб расид. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Имзои шартнома ба амалишавии «Барномаи давлатии дарёфт ва рушди истеъдодҳо дар шаҳри Душанбе барои солҳои 2021-2025» барои ворид шудан ба фазои илму дониши муосири ҷаҳонӣ ва истифодаи таҷрибаи давлатҳои пешрафта дар раванди таълим равона гардидааст.
Дар доираи олимпиада сардори Сарраёсати маорифи шаҳри Душанбе Баҳром Исмоилзода бо фаъолияти Мактаби байналмилалии «Paragon»-и шаҳри Пномпени Шоҳигарии Камбоҷа шинос шуд. Пешниҳод карда шуд, ки лоиҳаҳои муштарак байни муассисаҳои таълимӣ бо таваҷҷуҳ ба рушди фанҳои дақиқ гузаронида шаванд, зеро хонандагони тоҷик аз фанҳои табиӣ-риёзӣ дониши хуб доранд ва ин омили асосии ҳамкории муваффақ дар оянда мебошад.
Мақсад аз иштироки хонандагони пойтахт дар ин олимпиада баланд бардоштани шавқу ҳаваси хонандагони муассисаҳои таълимии шаҳри Душанбе, ҷалби хонандагон ба олимпиадаҳои байналмилалӣ, ворид шудан ба фазои олимпиадаҳои ҷаҳонӣ ва омӯзиши таҷрибаи давлатҳои пешсаф дар ҳаракати олимпӣ мебошад.
Ёдовар мешавем, ки Олимпиадаи байналмилалии «IKO – 2025» аз фанҳои математика ва забони англисӣ дар шаҳри Пномпени Шоҳигарии Камбоҷа то 27 июл идома меёбад.
АКС: Сарраёсати маорифи шаҳри Душанбе
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
