Байни Тоҷикистон ва Қирғизистон оид ба рушди соҳаи сайёҳӣ Созишнома ба имзо расид
ДУШАНБЕ, 09.07.2025 /АМИТ «Ховар»/. 8 июл дар ҳузур ва бо иштироки Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров байни Ҳукумати Ҷумҳурии Тоҷикистон ва Девони вазирони Ҷумҳурии Қирғизистон оид ба ҳамкорӣ дар соҳаи сайёҳӣ созишнома ба имзо расид.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, Созишнома бо мақсади таҳкими муносибатҳои дӯстона ва густариши ҳамкории дуҷониба дар соҳаи сайёҳӣ ба имзо расонида шуд.
Созишнома ба густариши ҳамкорӣ дар самти таҳия ва таблиғи хатсайрҳои муштарак, аз ҷумла брендҳои минтақавии дорои аҳамияти таърихию фарҳангӣ, ба монанди «Роҳи бузурги абрешим», таъмини манфиатҳои тарафайн дар асоси эҳтироми мутақобила ва манфиатҳои муштарак мусоидат менамояд.
Инчунин дар асоси Созишнома баргузории форумҳо, намоишгоҳҳо ва дигар тадбирҳои муштарак бо ҷалби сохторҳои давлатӣ ва бахши хусусӣ пешбинӣ шудааст.
Ҷонибҳо изҳори омодагӣ намуданд, ки ҳамкории дуҷонибаро дар самтҳои мубодилаи таҷриба, омода намудани кадрҳо, менеҷменти инфрасохтори сайёҳӣ, ҷалби сармоягузорӣ ва рушди инноватсияҳои нақлиётӣ густариш хоҳанд дод.
Таъкид гардид, ки ҳамкорӣ байни мақомоти давлатӣ, ширкатҳои сайёҳӣ ва дигар сохторҳои марбута ҳамчун унсури муҳими татбиқи самараноки Созишнома арзёбӣ мегардад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор гардид
Пагоҳ Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
САЙЁҲИИ ТАБОБАТӢ. Чашмаи «Авҷ»-и Бадахшон бо оби минералии шифобахш барои рушди ин соҳаи сайёҳӣ имкон дорад
ДАРАИ ШИРКЕНТ. Ҷозибаи нодири табиии ин минтақа изҳои панҷаи динозаврҳо ба шумор меравад
Байни Донишгоҳи байналмилалии сайёҳӣ ва соҳибкории Тоҷикистон ва муассисаҳои таҳсилоти олии Узбекистон созишномаи ҳамкорӣ ба имзо расид
Дар Душанбе чорабинии фарҳангӣ — фароғатии «Dushanbe Navruz Fest» баргузор мешавад
Зарфияти сайёҳӣ ва ҳунарҳои мардумии Тоҷикистон дар Намоишгоҳи байналмилалии сайёҳии «MITT — 2026» муаррифӣ мегардад
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
РУШДИ САЙЁҲӢ. Резервати биосферии «Ромит» ба макони писандидаи сайёҳон табдил ёфтааст
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
