Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
ДУШАНБЕ, 17.07.2025. /АМИТ «Ховар»/. Имрӯз дар шаҳри Душанбе Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб баргузор гардид, ки дар он роҳбарон ва намояндагони вазорату идораҳои давлатӣ ва зиёда аз 100 ширкату корхонаҳои соҳаҳои энергетика, сайёҳӣ, сохтмон, нақлиёт, логистика, молиявию бонкдории Тоҷикистону Амороти Муттаҳидаи Араб иштирок намуданд.
Вазири рушди иқтисод ва савдо Завқӣ Завқизода иброз дошт, ки бо шарофати сиёсати хирадмандонаи роҳбарони ҳарду давлат- Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Амороти Муттаҳидаи Араб муҳтарам Шайх Муҳаммад ибни Зойид Оли Наҳён ҳамкории дуҷониба мунтазам рушд карда, ба сатҳи баланд баромад.
Иттилоъ дода шуд, ки соли 2024 гардиши савдои дуҷониба байни Тоҷикистон ва Амороти Муттаҳидаи Араб ба 91,9 миллион доллари ИМА расид, ки нисбат ба соли 2023 61 фоиз бештар аст. Танҳо дар шаш моҳи соли 2025 ҳаҷми савдо ба 57,6 миллион доллар расид, ки нисбат ба ҳамин давраи соли 2024 2,3 маротиба бештар мебошад.
Дар форум гуфта шуд, ки ҳоло дар Ҷумҳурии Тоҷикистон 36 корхонаи Амороти Муттаҳидаи Араб фаъолият доранд, аз ҷумла Фонди рушди Абузабӣ, «Сипар Гурӯҳ», Оксус ва дигарон.
Дар форум бо назардошти мавҷудияти имконоти васеи истифоданашудаи ҳамкорӣ ва татбиқи ислоҳоти назарраси фазои сармоягузорӣ аз ҷониби Ҳукумати Ҷумҳурии Тоҷикистон доираҳои соҳибкорию сармоягузорӣ даъват карда шуданд, ки ба татбиқи лоиҳаҳои сармоягузорӣ дар соҳаҳои афзалиятноки иқтисоди миллӣ, аз ҷумла энергетика, рақамикунонӣ, саноати коркард, истихроҷ, энергияи «сабз», кишоварзӣ, инфрасохтор, логистика ва сайёҳӣ таваҷҷуҳи бештар зоҳир намоянд.
Дар фарҷоми форум вохӯриҳои дуҷонибаи соҳибкорони ду давлат дар қолаби «Соҳибкор бо Соҳибкор» (B2B) ва «Соҳибкор бо Давлат» баргузор гардиданд, ки ба тавсеаи муносибатҳои тарафайни шарикӣ мусоидат менамоянд.
АКС: Вазорати рушди иқтисод ва савдои Ҷумҳурии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
